كن شانه عظيم ومن سُلالة عظام

[متعب النصّار]

متواضعه..../....بِكُم ترتقي

[poem=font="Traditional Arabic,7,purple,normal,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]

العيون الجوارح من رآهن يضام=دام ماله مبات بظلهن أو مقيل

رمشهن ما يفكر في حلال وحرام=لانوى القتل يقتل لو قتيله دخيل

بالهوى غصب عنا يكسب الاحترام=خوف لايبتلينا وانترجى ذليل

كن شانه عظيم ومن سلالة عظام=عرش حكمه شموخ بواقع مستحيل

إن تظللت ظله قلت: طاب المقام=وإن غشاني هجيره ماتماكنت قيل

يا يصب المشاعر مثل صب الغمام=يايخليك تكفر بالهوى والخليل

يالهنوف الكحيله شاعرك مايلام=لازرعتي بصدره جمرتين وصقيل

في عيونك مجازر من حروب الغرام=تحكي ألفين قصه عن أسير وقتيل

واعذاب الهواوي لا وصل لك وهام=رمش عينك يجيبه لانوى بالرحيل

فيه حسم المصير وفيه حد الحسام=وفيه روحن تعلق بين قمرا وليل

وفيه حكم الطغاه بشعب كله كرام=وفيه مد الكريم اللي كواه البخيل

مستحيل يتقيد في أمور السلام=الغدر من طباعه والضحايا دليل

شفت برقه ينوض وشفت فيه الظلام=يمطر الليل الأسود في هدبك ويسيل

نظرته عمرتني وتركتني حطام=جيت عابر سبيل ورحت عابر سبيل



[/poem]

هُنا في جريدة عكاظ

http://www.okaz.com.sa/new/Issues/20...0611355425.htm





دمتم سالمين