ياكليب

[عبدالله صلال العساف]

يسعد صباحكم جميعا أيهالاحبه
اهديكم نص اتمنى ان يكتمل نصه الآخر
بملامسته لذائقتكم

ياكليب

ياكليب شب النًار ...او لا تشبًه
ماعاد به ياكليب بنً ن ولا هيل

بالنًسكفيه.. الرُبع ..وأهله تشبًه
ماعاد تسمع... رنًة ن ..للفناجيل

واليوم كل واحد... يجيها.. لعبّه
ضاعت به الاوصاف وإحتاربه القيل

وأبشًرك هم وإنت قاعد.... تصبُه
عنْك إلتهوْ بالواتساب الرجاجيل

ولو منت متنبًه.... ترى... ماتنبًه
ومحد ن درابك بأي اياديك بتشيل

كلًن.. إبجواله شغل ....وإنشغل به
وإيمدًدون ارجولهم ...عالمعاميل

وأوًل فناجيله.. تشفًه... إبشربه
واليوم مثل الماي .يكرع بها الفيل

راح الوجار اللي.. انتجمًع إبقربه
اقفت حضارتنا... بحلو التعاليل

وراحت سواليف الرجال... التحبًه
بين الهياط... وبربرات.... الاراجيل

تاريخنا.... اللي نستميل.... لمهبًه
كل ماطرى.... جرًت عليه المواويل


عبدالله صلال العساف

 

[رشا عرابي]

عللى مفارِق الضوء أشعلتَ سِراج المُغايرة
بين ما كان وما هو كائِن
بروحِ فُكاهةٍ لله ما أجملها


تخطّفتنا هجمة الالجوال ومواقعه وبرامجه
وكم أجدتَ توصيف المشهد أيها الفاضل

لله أنت !

 

[عامر الأشجعي]

فعلاً ، وهذا هو الحاصل ..
لكل تطور نشهده ، انتكاسه لما نعهده ..


صورة ثلاثية الأبعاد ..
لا فضّ فوك ، يا عبدالله

 

[سيرين]

ولا يسعنا إلا التأسي ببعض الصبر وإعادة توازن الشتات
سلم البنان وحسن البيان شاعرنا الالق \ عبدالله صلال العساف
مودتي والياسمين

\..

 

[نادرة عبدالحي]

كلام صحيح هالتكنلوجيا هبلت هالمخاليق

لم نعد نتذوق طعم السواليف واللمة والضحكات الرنانة،

لا شئ لنا لغد نتذكره سوا رنة التطبيقات المزعجة ،

الله يسترنا من اللي جاي
سلم فكرك النير يا صاحب الرسالة السامية

 

[نورة القحطاني]

الله المستعان
تغير الحال
ودوام الحال من المحال
لكن الله يجعل شباب الأمة في عز وطاعة ويستعملهم في الخير

ماقصرت شاعرنا كتبت صورة ناطقة بالواقع
طبت وطاب حرفك

 

[عبدالله صلال العساف]

الرائعه رشا عرابي

من الجميل تنها لامست ذائقتك الراقيه
و
شكرا لك على الاطراء الجميل
الذي ازدانت
به هذه الضفاف
وشكرا لك على الخضور البهي
الذي اتمناه في كل
نص انشره

ممتن لك شاعرتنا الرائعه

 

[عبدالله صلال العساف]

الرائع عامر الاشجعي
من الجميل
ان هذه الحروف لامست
ذائقتك الراقيه
وشكرا لك على الحضور البهي
والاطراء الجميل
ممتن لك