" البرســـــــــيم " شلون اليوم ياحيوان واحد من ربيع أول ؟

فالح الدهمان · 09-30-2009, 12:17 AM

مساء الخير وصباحه
على الجميع

نص جديد بعنوان البرسيم

أرجو من معدين الصفحات الشعبيه والمجلات عدم نشره بدون استئذان

مع فائق محبتى للجميع

.

.

.

البرســــــــــــــــــــــــــيم

.

.

.

[poem="font="simplified arabic,4,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

سموم ن ياكل الوجه وعجاج ن تزحف رماله=شلون اليوم ياحيوان واحد من ربيع أول ؟
مهاميهك تهاتيه الضما لو يبرق خياله=تعدّا دون مايمطر وكنى بالسدر هرول
تأمل حولك الأرض بسراب القيظ وظلاله=ترك مثلك جيف للريح تتعفن وتتحول
على البرسيم جنّاى الغنم قد عيّش عياله=وشبّوا بالقرون تيوس بين أعمى وبين أحول
ولا آمنت فى دينه ولا بسجد لتمثاله=هذاك اللى غدالى فى حياتى منجل ومعول
وهذا الليل لانجمه ولا ينبيك سرباله=عن الفجر ويصيح البوم والأشباح تتجول
يمر الطير ويهاجر سريع بليل ترحاله=واحسده فى جناحينه وترحالى معاه أطول
أنا المهزوم من نظرة سؤال عيون أطفاله=أخاف انى أواجهها واغيب أيام أتسول
أحن بموترى تحت الدجا بالبعد بلياله=لهم وان سائلوا عنى وقالوا لأمهم طوّل
بكيت لشاعرن فى داخلى يستلهم أمثاله=من أحواله وكم غنا وكم هيحن وكم موّل
ولا سامع يرد الصوت من صحبه ومن آله=سوى فقرية ن تطرب له وتعجب وتتهوّل
نهر شعر أعشبت منه القلوب بصافى زلاله=قصيدى وان ظهر شاعر لقيته منى بجدول
بهذا العالم المركون فى جهله بجهاله=تفقدت الحياة وشفتها أطياف تتزوّل
مسيره لانهائى المدى كنى بزرفاله=خذتنى فيه آمال وعزيمة مقعد محرول
ألا يا هالهميم اللى يلحّه سوط جمّاله=تبى تاكل تبن وتطيح للسكين والمشول
أبضحك كل ما طوّح لك الجمّال هوباله=عليك بضحكة السكران فى صحراك واتبوّل
سموم ن ياكل الوجه وعجاج ن تزحف رماله=وتقول اليوم واحد من ربيع أول . صحيح أثول[/poem]

فالح الدهمان
جو صلاصل
صيف 2009