مـوت الـنـهـايـه ...!!

[حاتم منصور]

بسم الله الرحمن الرحيم
السلام عليكم ورحمة الله وبركاته

:
:
:
:
:

أصافحكم بهذا النص
عله يرتقي لذائقتكم

(مـوت الـنـهـايـه)

أسمعيني ودي أحكي لك حكايـه
.............. فيك ِ عاش إنسان مليان بأمـان

لكن القصه غدت موت النهايـه
.............. قصة إنسان ٍ ملك موت الكيـان

ودي أحكيها أخاف مـن البدايـه
.............. كان جزء ٍ ضاع من هذاالمكان

كانت أحلامه مثل أجمـل روايـه
.............. ماتت وصارت أساطير الزمـان

كانت أمال الفرح فـي كـل رايـه
.............. لكن إللي شال هـالرايـه مهـان

كانت ألحانه ألـم يعـزف /و نايـه
.............. يفتـح جروحـه و خَـلاه المـدان

كيف ترضـى بالمهانـه وبعنايـه
.............. لـو نفـى عمـره بحبـك مايـبـان

أنـا قولـي ماتلـبّـس لــه كِنـايَـه
.............. حقنـا ظاهـر مـا يحتـاج لخـتـان

لوعيـوبـي جابـتـه لـيّـه طنـايـه
.............. يـشهـد الله أنتـي أول مـن يـدان

كـم خطـا منـك وسميتـه خطايـه
.............. حتـى هالقسـوه أسميهـا حـنـان

أدري آذانك مـا تستقبـل عَنَايـه
.............. لكـن إن زاغ الفكـر جتلـك آذان

أسمحيلي ودي أوصفلك جنايـه
.............. مابقى فيـك ِسـوى طانٌ / وطان

معاني المفردات :
طنـايـه : الهوى
طانٌ : الراوي
وطان : وحول أو أوحل : جمع وحل الطين

محبكم
حـاتـم مـنـصـور