 |
|
| معرفات التواصل |
آخر المشاركات
|
|
|||||||
| أبعاد المكشف يَفْتَحُ نَافِذَةَ التّارِيْخِ عَلَى شَخْصِيّاتٍ كَانَتْ فَكَانَ التّارِيْخُ |
 |
|
|
أدوات الموضوع
|
انواع عرض الموضوع
|
07-08-2008, 07:37 AM
|
#1 | ||||
|
معدل تقييم المستوى: 19
|
سيرته :
|
||||
|
|
|
07-08-2008, 07:38 AM
|
#2 | ||||
|
معدل تقييم المستوى: 19
|
ثلاث ملامح لوجه واحد
على الغدير كانت سما.. ويرمي الضما وجهي عليه على الغدير .. وجهي وسما .. لين ارتمى وجهك عليه .. على الغدير .. وجهي .. ووجهك والسما .. من يسبق ويملى يديه .. يشرب ملامح صاحبه .. ليت السحاب .. يظهر على المدى الباهت .. وتمر ثلاث طيور .. بين العتم والنور .. ينبت شجر .. واعشاب .. وطفلٍِ يبيع زهور .. يولد .. وتتحول الاخشاب .. كرسي .. واجلس انا وياك .. قبل الظلال هناك .. في أخذ الصوره .. على سلة السيف الصقيل .. يتكحل سيفين .. وينزف قتيل .. واليوم عيد .. يا اللي الجفا وصلك .. ومشغولة في كحلك .. وشلون انا بحايدك .. امرايتك سيف .. و ذ بحي انا .. عوايدك ..
|
||||
|
|
|
|
07-08-2008, 07:39 AM
|
#3 | ||||
|
معدل تقييم المستوى: 19
|
غربه وليل
غربه وليل .. وعمر ضايع .. وحب ضايع .. في مركب أماني .. ماله دليل وانت يا اغلي الحياة .. في الحب ناسي .. ليتك تقاسي .. لو قليل .. يا خطوة دمع فوق الخد.. يا جرح .. يا عمري ماله حد .. يا حب كبير .. يا حزن كثير .. يا ليل البعد والتفكير .. حبيبي .. وكل سنا عمري .. وثواني بسمتك كله عذابي وقلت انا صبري .. اداري لوعتي فـ ظله وفات العمر تغريبه .. وضمت بسمتك .. غيبه وعشت الحب في ليلي.. وذاب الصبر من ويلي غربه وليل وعمر ضايع .. وحب ضايع .. في مركب أماني ماله دليل وانت يا .. اغلي الحياة .. في الحب ناسي .. ليتك تقاسي .. لو قليل
|
||||
|
|
|
|
07-08-2008, 07:40 AM
|
#4 | ||||
|
معدل تقييم المستوى: 19
|
اقول أحبك
قالوا حروفي عمي وعيونك بروق مافي قصيدي جنح ليلٍ وبارق قلت الذي له داخل ضلوعي حروق أقرب من اللي في سما الناس شارق غيري يشوفك وأجود الشعر مطروق وأنا أحسـّك وأصدق الحب فارق ياللي عيونك دم وعيونك عروق ولهاث قلبٍ فـي نواعسك غارق أقول أحبك يخرج البحر صندوق تبرالغزاة وكنز سود البيارق وأقول أحبك صدرالايام مشقوق عن وجه غرناطه وعن مهر طارق وأقول أحبك والله إني من الشوق ألقا طيوفك في جميع المفارق كتبت لك قلبٍ من القلب مسروق ولا طاب لي وصفٍ من الوصف سارق
|
||||
|
|
|
|
07-08-2008, 07:40 AM
|
#5 | ||||
|
معدل تقييم المستوى: 19
|
الله يرد خطاك
الله يرد خطاك لدروب خلانك .. لعيون ما تنساك لو طال هجرانك .. دام الأمل موجود فالنفس خضاعه .. حق العيون السود السمع والطاعه الله يردك لي .. يا مطول غيابه .. يا معـذبي هجري .. مدري وش أسبابه .. دام الأمل موجود .. فالنفس خضاعه .. حق العيون السود السمع و الطاعه .. ياللي بعدك اليوم .. نبكي على باكر .. صبري عليك يدوم .. مادمت أنا فاكر .. إن الأمل موجود .. فالنفس خضاعه .. حق العيون السود السمع و الطاعه ..
|
||||
|
|
|
|
07-08-2008, 07:42 AM
|
#6 | ||||
|
معدل تقييم المستوى: 19
|
اه يا لجراح
لا جيت أنا بــ سامحك.. تبكي الجراح ما ودها.. مشتاق ودي أصافحك.. عيت يدي لا مدها... آه. .يا لجراح .. راح اللي راح .. وراحتي .. من يا ترى بيردها .. يا حب.. ياذ كرى واسم.. مدري انا ابكي عليك من العذاب اوابتسم.. صدقني في يأسي .. نفسي تبي نفسي تبيك .. لا يا دفا شمسي تبيك.. ليه خنتني ..الله عليك .. آه يا الجراح .. راح اللي راح.. وراحتي .. من يا ترى بيردها .. لا تحاكي عيوني .. يمطر سحاب الملح .. ولا تلمس أشجوني .. ينبت في قلبي جرح .. ناظرني يا خلي .. جرح انا كلي .. وشلون أبـ ارضى الصلح .. فصل الخريف حبي ..حزن وورق أصفر.. ...ودعني يا قلبي..وخل العذاب أقصر.. آه يا الجراح .. راح اللي راح.. وراحتي .. من يا ترى بيردها ..
|
||||
|
|
|
|
07-08-2008, 07:43 AM
|
#7 | ||||
|
معدل تقييم المستوى: 19
|
جرحي بخير
ومرت سنه .. على فراقك على صوتك .. واشواقك غريب كيف االزمن يرحل واحلام العمر .. تذبل .. سنه مرت .. وانا أول .. حبيبٍ يوقد الشمعه لجرحه في يوم ميلاده هلا .. بالحب .. واعياده وكل عامٍ .. وجرحي بخير مشيت دروبنا .. خطاوي قلوبنا ومريت الوعد .. وعدنا العام ماكان الوعد .. ولا الأيام .. هي الايام وما ادري ليه هالشارع .. نسوه الناس ومتى هالمقعد الخالي .. يجوه الناس حبيبي .. ليه فـ غيابك .. يغيبوا الناس حبيبي .. ايه والله حبيبي .. ايه والله نساني العمر.. لو انساه نساني الفرح .. لو انساه احبه .. ما ظهر نجم .. ونبت عشب .. وسرى براق أحبه .. لا زمن يشقي جروحي .. لا جفا .. وفراق أنا هذا الهوى كله .. وقلبي آخر العشاق ..
|
||||
|
|
|
|
07-08-2008, 07:46 AM
|
#8 | ||||
|
معدل تقييم المستوى: 19
|
رشاش
رشاش ... يتساقط على قلب.. هذا عصفورك... وباقي الصدر اعشاش.. ابتل هالعصفور .. ريشه غدا اثقل وان مرو الاوباش .. أو مرو الاجمل صادوه وما اسهل... من صيد عصفورك طير.. وعليه رشاش .. وبردٍ على الاحراش .. وفوق الغصن طيرك .. يشكي من الامطار .. مري علي مشوار .. لو جاء احد غيرك .. دفاه بالاخبار.. ولف الجروح... بشاش غشاش .. غشاش وباشعل الغيره في قلبك البارد .. ماقوى اخونك ماقوى اخونك .. ماش انا قلبي عصفورك وباقي الصدر ..اعشاش
|
||||
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الشاعر الأستاذ أحمد محمد عبيد بيننا | أحمد صويري | أبعاد العام | 6 | 06-11-2006 11:29 AM |
| رحبو معي بعريس الوطن وشاعر جنادرية 1420هـ | أميرة الشعر | أبعاد العام | 11 | 05-30-2006 05:59 AM |
الآراء المنشورة في هذا المنتدى لا تعبر بالضرورة عن وجهة نظر الإدارة
|
|
الأمير الشاعر بدر بن عبد المحسن
العرض العادي
