هجرت الوصل

[سالم الصاطي]

اخواني رواد ابداع الابعاد


اتمنى ان يرقى هذا البعد المتواضع الى سما اذواقكم






[poem="font="arabic transparent,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]هجرت الوصل واكرمت الغياب ولا تجيني علوم=والومك ..بس اسامح كان مرت فيك اعياني

صحيح ان الوله يشره ولاكن لك معزه دوم=تخليني اعذرك لو غيابك صار بالعاني

كأنك تستغل اللهفه اللي هي اساس اللوم= وانا اللي استغل الوقت فبل الوقت يبلاني

اخاف ان القدر يضرب عبر للعالم المشؤم =وافارق روحي اللي ما خلقها الله فــ ابداني

تصدق ما هقيت اني احب فــ يوم قبل اليوم =انا ماقد هقيت الرجل فـ دروبي تعداني

انا ما قد هقيت اني اصير الحاكم المحكوم=انا المقتول فـ عيونك وبــ عيوني انا الجاني

صدفتك مثل حلم غاب عن عيني وعنه النوم=وشفتك تجبر حروف الغزل تطلع من لساني

جمعت احلى الكلام وقلت لي احذر من المقسوم=بعدّها ما دريت إلا بغيبه هزت اركاني

يا بحر العشق ما يغرق يا كود اللي يعرف العوم=وانا جيتك ابي اغرق ادور عن عمر ثاني

ولكن لو هجرت الوصل ابي منك تجيني علوم=لأجل روحي اذا غابت ادور لك و ألقاني[/poem]

على الود نلتقي

 

[حسين الحوالي]

متناثرة هي المشاعر قبل أن آتي .. فـ أجتعمت ..؟
أم أني كنت متماسكا ً ..
فـ تلاشيت هنا .. ذات شعور ..!

لاأعلم وربي ..

ولكن ماأنا أكيد ٌ منه .. أن الصباح هنا .. ( ساطي ) ..
والمتصفح هذا .. سالب ٌ لـ الألباب


سالم الصاطي ..


ورسمت الشعور هنا بـ قصيدة ٍ من إختلاف ..
لـ يكتبك الصباح .. مختلفا ً عن كل مايصله الضوء ..
ونراك جليا ً ..

سلبتني مفردة ( بالعاني ) .. وذكاءك في إقتناصها .. وتوظيفها ..
والسلب .. ينسحب على كلي .. مع كلـّك .. في الأعلى
أيها الشعر ..

تقبـّل أصدق الإعجاب .. ودوام المتابعة

دمت سالما ً .. ياسالم
و ..

دمت بخير ,,






















ح . ح . ح

 

[خلف المهيلان]

سالم نص متدفقه فيه احساسك
حتى الغرق
غرقتنا معك حتى استمتعنا
بهذاالغرق
ودي لعذوبتك وعمقك
يامطر
خ م

[/quote]

 

[ميــرال]

صحيح ان الوله يشره ولاكن لك معزه دوم
ــــــــ تخليني اعذرك لو غيابك صار بالعاني


هذا البيت سماء دافئه
وشعر لذيذ المفرده وعميق

سالم الساطي
ارويت الذائقه جداً

 

[رزان العتيبي]

صدفتك مثـل حلـم غـاب عـن عينـي وعنـه النـوم
صدفتك مثـل حلـم غـاب عـن عينـي وعنـه النـوم
صدفتك مثـل حلـم غـاب عـن عينـي وعنـه النـوم



نص ساكن بالعاطفة .. والصدق ..
صح نبضك أخوي سالم

 

[عبدالله العويمر]

سَالم
لَازِلت تَكْتُب لِلْحُب لِتُرويْنَا

شَاعِر جَمِيْل ، ومُمْتِع الحُضُور

دُمْت بِحب

 

[جُمان]

سالم الصاطي

تقتَطِفُ لنا الهواء بِهذا النص الحَزين
و الآسر من أقصاه إلى أقصاه
ورَغمَ أنَّ الغيابَ كانَ حاضِراً بِجفافِه
إلا أنَّكَ كُنتَ تحكي مدىً أخضر مِن الشعر

جميل جداً

.
.

 

[سالم الصاطي]

المشاركة الأصلية كتبت بواسطة حسين الحوالي

متناثرة هي المشاعر قبل أن آتي .. فـ أجتعمت ..؟
أم أني كنت متماسكا ً ..
فـ تلاشيت هنا .. ذات شعور ..!

لاأعلم وربي ..

ولكن ماأنا أكيد ٌ منه .. أن الصباح هنا .. ( ساطي ) ..
والمتصفح هذا .. سالب ٌ لـ الألباب


سالم الصاطي ..


ورسمت الشعور هنا بـ قصيدة ٍ من إختلاف ..
لـ يكتبك الصباح .. مختلفا ً عن كل مايصله الضوء ..
ونراك جليا ً ..

سلبتني مفردة ( بالعاني ) .. وذكاءك في إقتناصها .. وتوظيفها ..
والسلب .. ينسحب على كلي .. مع كلـّك .. في الأعلى
أيها الشعر ..

تقبـّل أصدق الإعجاب .. ودوام المتابعة

دمت سالما ً .. ياسالم
و ..

دمت بخير ,,






















ح . ح . ح

اخوي الشاعر حسين

لم اجد لنفسي طريق لاسلكه في سبيل ترك كلمة شكر امام جميل حرفك ونبل قلمك


ولكن لك مني الوفاء


وكل الموده

تحيتي الصادقه