شجرة التفااااح !

[مؤيد الغريبي]

يا بنت الليــل .. !
مر الليـل ولا .. بنـــتي على أوراق مكتبتي ..
يا بنت البــــال ..
هنـا في الذاكــره .. نمتي ..



أكون المثمر الشامخ وعودي بالفخر .. فواح .. !
...... جنوني حضـرته تاريخ .. يكتبنــي .. ويقــراني ..





واذا اثمر غصن غيري يطيح ومثمري ما طاح
....... ويبقى غصني المثمر عطـايا .. لكل .. خـلانـــي ..





وحيد وبسمتي أمي وابـوي وشجــرة التفاااح ..
....... امد النـور واشعل في المدينه .. طيب اخواني ......!!!






أنا من قبل ما أخلق عرفت ان الظهر مرتاح ..
........ وعرفت اصلي قبل اسمي واشجاري واغصاني ..





وجيت اقهر ظلام ٍ من زمن ما عانق المصباح!
......... وانا ما اقول غير ان الضوى ياخذ من .. لساني ..






ارف الجفـن في زفة حضور الحزن والأفراح
.......... ولا يشكي طرف مني عطيته كل جنحاني ...... !






كتبت ولا شربت إلا بحر فيه الشعر مـلاح ..!!!
........... رويـت ولا بقى غير الضما بوجيه عدواني ......






غروري يفتح الدنيــا تواضع / ينكسر مفتاح ..
............ على شـاعر بلاط الغي / جوخ القول عدانـي ..







انا ماني من اللي لا كتب خلى الكفوف .. سلاح
............ ولاني .. من لبس ثوب القصيد وبدل .. الواني ..!








ولا لي غير شدوك يالحبيبه يوم دمعك ... سااح !
............. ولا لك غير صوتي يالمراجل وآخـر احزاني








أغني دون ما اعاني ولا تعــاني معي ارواح ..!
............ أنا كل البقيه في حياة اللي .. تبــاكــاني !!







وأنا من علّق القمرى على صدر الليـال ورااح ..
............. ولا ادري من الممكن يجي في .. يوم والقاني ..



محبكم

 

[ميــرال]

وأنا من علّق القمرى على صدر الليـال ورااح ..
............. ولا ادري من الممكن يجي في .. يوم والقاني ..


مع هذا البيت ســ اكون باالمقدمه
ســ اعود وبفخر
يسعد مساء الشعر

 

[مؤيد الغريبي]

ميرال

وانتي على رأس نبضات قلبي المليون ..
حضورك الأول يعني لي الشيء الكثير , فبعيدا ً عن انكِ شاعره خطيره , انتِ تملكين ذائقه خطيره
واعتقد كلياً لا جزئياً ان تكوني بالمقدمه , ان هذا النص البسيط قد نال على رضى ذائقتك

أختي الفاضله / ميرال

ان عدتي او لم تعودي .. فمحلك الشعر ..

ويسعد لي مساك ..

أخوك

 

[فرحَة النجدي]

القصيدة ملأى بــ الإعتزاز الجميل بـ النفس ،

أما [ وحيد و بسمتي أمي و أبوي ] ،
فَ هذه أعتقد أنها دليل اكتفاء بهم و ما أغنانا بهم حقاً ..
و أما [ أمد النور و أشعل في المدينة طيب أخواني ] ، فـ جميلة بِ حق ..


أ. مؤيد /
لست سوى متذوقة و لكنك جميل جداً ،
و هذا البيت أحببته جداً ،
شكرا لك و صح كلك يا أخي ..

 

[ناصر بن حسين]

أحبك بحجم جنونك [ ]

 

[خلف المهيلان]

b]

مويد مصباح هذا النور
الممتد شعراً
بعذوبتك ولونك
الي كل طيوف الشعر تمازج به
وتشكل قوس قزح ممتع يقوس اسم مويد
ميداً بكل صدق كل مافاح من عطرهذا الشعر العذب
ودي لك
خ م

[/b][/QUOTE]

 

[لوعة الشوق]

مؤيد الغريبي



الله الله الله

اصفق لك وبحراره ..

بصراحه مدري اعلق على اي بيت بالضبط


قصيده كانت من اروع ماقريته في هذا الصباح


قصيده تفوق الجمال جمالاً وعذوبه ..



لو اقراها مليون مره ثق تماما كل مره بستمتع فيها اكثر من المره اللي قبل




تقبل مروري
لوعة الشوق

 

[حاتم منصور]

كنت أظن إني مجنون

طلع في واحد ماأنافسه نهائيا ً بجنونه

مؤيد أنت مجنون

وسأعود بعقلي إحتراما ً لجنونك

محبك
حـاتـم