سحب النظر

زاهي التومي · 01-04-2009, 11:49 PM

[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]سحب النظر طشّت على جوّي آمال=واحيت جراهيد الخفوق بهطوله
واحيت يباس اغصان وصل ٍ غذى الحال=سافي سموم البعد موّت اصوله
واطفت حرايق شبّها الصد بهبال=لولا نزوله راح من كان حوله
بيد الحقيقه من مطرها بها اهوال=عشبه كسا روض الاماني حلوله
عشبه دعى ذود المشاعر للبهال=والذود مبْهل قبْل تخضر سهوله
سحب ٍ توديني على ليل و وصال=لحظة ثمل وجه الحيا من حصوله
ليل ٍ غشى المقفي ولا لدّ با اقبال=لانّ القبال الصبح زاور مثوله
عادت بي لصيدٍ تحدّا على جفال=قبل الكفوف تشيل بندق تطوله
عادت بي لغيبه وراها لقا ارجال=ضعونهم بين المحاني نزوله
ترجع بي لْصرح اللقا صرح الاهوال=صرح الحروب و صرح سلم و بطوله
ترجع بي لْخصر ٍ لقا تحته اثقال=ردفين تعدل من زوايا ميوله
سحب ٍ توديني على برد ما طال=لحظة حضر حضن الدفا طاح طوله
قبل الغلا يجلس على شط الاهمال=قبل الهموم تسوق موجٍ ينوله
سحب ٍ لها برسم مساحات واشكال=لوّ انه عامه عاد واحيا فصوله
برسم ملامح سبّة الذنب لو شال=عفو العتب ثوب الفراق و فلوله
يوم اشتكى باب الهوى الصمت وش قال=شباكه الملعون محفوظ قوله
لو سارت اقدام القلم دون ما مال=على وطا رمضا الورق شان زوله
طعم الغرام و مبسم الشوق قتّال=يقتل احاسيس البرود الكسوله
لون الهيام و خنجر الوجد لازال=يطعن شعور ٍ ما عنت له خجوله
نجل العيون و نهرها كان محتال=ينضب سنين و يوم تكثر سيوله
لكن رسم بسمه على شفاه رجال=منها رجع لْسنين سن الطفوله[/poem]

عون القحطاني · 01-05-2009, 05:31 AM

زاهي التومي

تأخذنا معك في رحلة جميلة
دون ان تترك لنا حرية الاختيار

حسناً مافعلت ..
فكم انا سعيد بما رأيته خلال رحلتي ..
الاغصان والاشجار والسحب والامطار
وصبحٍ ضاحك برفقتك ..
هذا النص كشلال من الضوء

شكراً يازاهي واكثر

**قايـد الحربي** · 01-05-2009, 02:19 PM

زاهي التومي
ــــــــــــــ
* * *

أُرحبُ بك مُجدّداً .

و [ سحب النظر ] مُمطرةٌ شعراً ..
إذ جئتَ بالغيث المُنبت للمعْنى ،
و بأدقّ الهطول .

شكراً لكَ كثيراً .