يا هبايب نجــد .. روفــي

[نبراس المشعل]

/
\
/
\
/
\
/

للغلا للحب لحدود السحاب الضافي
ــــــــــ للأفـق لهنـاك اهدي لوعتي وحروفـي

ياسما نجد العذيٍّه تذكرين إيلافي؟
ــــــــــ رحلتي ..تستوطن الضيقات بآخر جوفي

إبشري بالعاني الهم الكثير اللافي
ــــــــــ يـا هـلا بالضيقتيـن ومـرحبـا بضيـوفـي

غرك الظاهر ومضمون الالم بالخافي
ــــــــــ يا هبايب نجد روفي بالمشاعر روفي

السفر في غربة الروح أعتبرها كافي
ــــــــــ تكشف الخافي وخوفي انكسر يا خوفي

من بكا حرفك وهلة دمعتك يا قافي ؟
ــــــــــ الحزن داعب عيوني واهتنا في شوفي

دمعتي من تفتكر كف الحبيب الجافي
ــــــــــــ ترتجي عطفه وتكـره مسحها بكفوفي

الخطا ما يحضنه كف الغرام الوافي
ــــــــــــ الخطا.. صدقت موعد صاحبه ما يوفي





مجلة فواصل ..العدد 187.. 15/اغسطس/2006