عبد العزيز بن سعود بن محمد آل سعود

[عبدالله البطي]

اهداء للامير الشاعر عبدالعزيز بن سعود بن محمد ال سعود

السامر

مثل الوحش يفتق معاليق ويفوع
طيرآ من الندر يخالج خياله
طبيعي بمعناه ماهوب مصنوع
اليا كتب في مدح راع الجماله
يلبس من التيجان بالكم والنوع
ويزهى ليا منه كتب لك مقاله
يضمى عليك المدح مرات ويجوع
ومرات يرثاله لوضعه وحاله
في روض فكره ينسكب كل ينبوع
ولاغيرك احدآ فالخلايق طراله
يامرحبا ترحيب بالماس مرصوع
ينقله طيرآ يوم طلقت حباله
يتبعه من صوته مسخر ومسموع
ياحلوها بالصوت غنى وشاله
متناسقه ماهي على كل موضوع
ولا زهت ياكود راع الجزاله
حفيد شقران الوغى مزبن الروع
ابو اليتامى عز من هو عناله
يوم الكويت بغبنها تشكي الجوع
من غاشمً يغزو ثراها جهاله
قلت الوطن ساسً وحنا له افروع
جندي ولبى للنداء امتثاله
تمسح ادموع الي من الغدر مفجوع
حرآ على العسرات ساعة مجاله
رفرف علمها فوق شامخ ومرفوع
وغنى التراب لمجدك الي رقاله
سيفك مصمخ واهم الراي بسنوع
يالنادر الي فارقاتً افعاله
عدوك الي تحت شلفاك مقموع
يركع ويرضى غصب لو مارضاله
بالضرب والا احساب قسمه ومجموع
نفس الرقم في كل خانه واله
اصعب على الحساب من حبة الكوع
يلي رصيد امجادك اكبر مثاله
وعن عائشة سويت للخير مشروع
مثلك عطى للدين نفسه وماله
في وجه الاعداء قلت للغي ممنوع
عرض النبي محظور سبه واله
يا امير قال الدين حسناك متبوع
يعطي دبل للي بجوده سعاله
الخير في كفك محنى ومزروع
ينبت كرم للعاني اليا لجاله
على اليتيم اعيونك اتغص بدموع
تعطيه قبل انه يتمتم سؤاله