هاجسي يتعب على كسب الجزيله
والهزيله كسب مقصور الايادي ✋🏻
والقصايد مالها غيري وكيله
شاش راسي والامر ماهو بَ عادي ✋🏻
للصقور اللي فعايلهم مهيله
الحرار اللي تنومس في الهدادي
مايهابون الصعاب المستحيله
وان نوو لـ الشي ... ماعنه محادي
العدو يشكي وفي كبده مليله
ما اهتنى فـ الزاد ولا فـ الرقادي
من صقور محمد وزبن الدخيله
فعلهم معروف في كل البلادي ✋🏻👌🏻
يا محمد با امرك نشب الفتيله
ابشر بعزك ليا حان الجهادي ✋🏻
جوك فرسان المعارك والقبيله
يحتمون الدار لا نادى المنادي ! 👌🏻
يرخصون ارواحهم في كل ليله
من يعاديهم نهار الحرب غادي ✋🏻
الرجال اللي بيارقهم طويله
بـ الرماح وبـ المدافع والهنادي ✋🏻
ناطحين الحرب بسيوفٍ صقيله
والفخر لا هب نسناس البرادي ✋🏻
يا يمن ماللمعادي فيك حيله
ابتسم للعز يوم العز بادي ✋🏻🇸🇦
يا يمن والنصر ما نرضى بديله
عاصفتنا صارمه دامك تنادي ✋🏻
لين عدوانك يجرون الفشيله
وعاش عزك وعاش مجدك يا بلادي 🇸🇦✋🏻
#نوح_الحمام
#عاصفة_الحزم
#الوطن
آخر المشاركات
04-14-2016, 05:00 PM
القصايد مالها غيري وكيله
العرض الشجري