حلم الهجاد

[عبدالمحسن العتيبي]

. اتمنى ان تروق لكم ,,,

,
استنفر الصبر من صدري وشب الفتيل
........................وإنا غشاني شعور اللي نهار الطراد
نزف القلم يوم تسجد له بحور الخليل
....................... يرسم خيال ٍ يغرد فـ الفضا بإنفراد
انتفسه لين أحس انه لروحي عديل
....................ولو مات داخل فوادي ما عرضته مزاد
فيني من الوجد عرق ٍ ينهل السلسبيل
.................... وأمد له من ضلوع الصدر خير المداد
العمر فرصه لكنّ الحظ نافض شليل
......................والمشكله صار بعد الله عليه اعتماد
هذا وانا اللي عرفت الخاتمه ..والحصيل
......................ما زلت واقف بهقواتي وقوف انحياد
ما يطلب الجود مده من يدين البخيل
.....................وانا لو البرد قاسي ما نفخت الرماد
هقوات نفسي على نفسي تحط وتشيل
....................وبحر التمني خلق فيني حديث الفؤاد
يا ليت وقتي عطاني عن حياتي دليل
................من قبل لا اكبر على نفسي وتكبر عناد
الضيق يرسم ملا مح وجه ليلٍ ثقيل
.....................يمر كن الدقايق فيه لا اقفت تعاد
يا ما تأملت صفحاته وادور بديل
...................وياما عطيته هموم وكم عطاني سهاد
طقيت باب الخيال وشفت صورة قتيل
............... وحسيت جرحي يدّور في عيوني ضماد
جنح الظلام انعكس صوره من المستحيل
..............وكان الأمل صبحي المشرق لحلم الهجاد
استعجل النور واسأل وين شمس الأصيل
..................واجمع بقاياي واسعي في قتيل المهاد
انا دخلت الحمى اللي فيه مات الفصيل
................ورسمت وجهة طريقي وامتطيت الجواد
أسابق الريح واسمع صوت دبك وصهيل
....................وهزيت باقدامه التربه وطار الجراد
جيت ابذر الحلم في رجوا صدوق المخيل
............. واحقق اغلي امنياتي لا جنيت الو كاد
أقول للصبر لحظه ما بقى الا القليل
...............كني على مركب احلامي بلغت المراد
ويوم التعب نال مني واشتهيت المقيل
.................لقيتني ما زرعت الا بوقت الحصاد
يا ليتني قبل اعرفك ناويٍ بالرحيل
................ماكان حركت في جسم البنادم جماد




. اخوكم / محسن المقاطي ..