قول::أنا راجع..وبدد إرتيابي!!تفاصيل منسيـّه!!

[تفاصيل منسيه]

السلام عليكم ورحمة الله وبركاته

صباح/مساء الحب والسلام

وبدون أي مقدمات

أقول::


في ليالي الشوق .. في عز ّ إغترابي
كنت لي أجمل معاني الإغتراب

كنت لي في قيظ هالدنيا شرابي
لين متّ مـْن الظما .. وأثرك سراب

ليه تسأل؟؟ دام ما تبغى جوابي
وليه أسأل؟؟ دام ما عنـْدك جواب

هل من المفروض كنت أعمل حسابي؟؟
ومن متى نعشق ونشتاق بْحساب؟؟

ومن متى كان الهوى طيش وتصابي؟؟
وهل شعاع الشمس يخفيه السحاب؟؟

كم سؤال يدور حول الحـبّ مابي
أطـْرحه.. لآ ينـْـفتح للـْجرح باب

وآ عذابي منـْك .. يا قمـّة عذابي
ليه تتـْعمـّد تخلـّيني بـْ ـعذاب؟؟

وليه أحبك رغم جفوتك؟؟ وْ ..ثوابي
عنـْدك النكران دايم والغياب

وليه وجودك مرتبط دوم بغيابي؟؟
وليه يوم ألقاك تعلن لـ نـْسحاب؟؟

يا كبر حظـّك ويا مكـْبر مصابي
صاب ظنـّك بي..وظنـّي فيك خاب

تبـْعد وأشتاق لك وأفقد صوابي
من بعادك مـــــــا تبقالي صواب

صرت أنا المجنون في حبك ولآبي
غير لحـْظاتي معك لو هي عتاب

قول..سمـّعني وْ تمادى في عتابي
ياحلاة إسمي بصوتك يوم ذاب

قول:أنا راجع .. وبدّد إرتيابي
وحط ّ بيني وبين شكـّي بك حجاب

منته مجرّد صور ضمْها كتابي
أو حروف مسطـّره ضمن الكتاب

إنته لي ذكرى سعيده في شبابي
باقيه لو زال حبي لك وغاب

................................

وسلامتكم