ذيب الوفاء برجوم صدري خلاوي - صوتية 2

[ماجد الزيد]

[poem=font=",6,white,bold,normal" bkcolor="black" bkimage="" border="double,7,black" type=2 line=0 align=center use=ex num="0,black""]
والله لامريت في بال هاويك=وتذكرك يومنْك بالعين تاوي
ايضيق به صدرن يردد حكاويك=يحكيك حبن ما حكابك نزاوي
الله ينساني اذا نمت ناسيك=يوْفى من الظلما لعين العماوي
اغليك اي والله بالحيل اغليك=ياغلى من الحومه لطير النداوي
اول اجي لك وانتثر بين كفيك=واليوم ذيب فراق وصلك يعاوي
ذيب بقلبي يقتنب كل ماطريك=ذيب الوفا برجوم صدري خلاوي
جيت المكان الي اجي له ملبيك=امن اول ٍ يوم الدهر لي مخاوي
وقفت واناظر هذاهي حراويك=وهذا محلك يوم تطرب غناوي
هذا محلّي يوم اقبّل اياديك=وهذا محلِّ فيه للحب راوي
لا الموج ممحي ياحبيبي خطاويك=ولا الريح غطت ضحكتك يالحياوي
كن النوارس صوتها لك يناديك=واليمّ لاقبل للبكى به حراوي
ووه ٍ بثر ووه ٍ بثر ووه تنبيك=كم حسرة ٍ بالقلب عقبك تضاوي
لولا الحيا في عالي الصوت لابكيك=يسمع لجيج القلب من بالصّداوي
خلّ الحزن بالقلب والقاف يكفيك=خوفي لكدّر نومتك وانت زآوي
ما والله ان احد ٍ جبر كسرتي فيك=فرقاك ملْها يا حبيبي مداوي
والله لو لي قدرة ٍ كان لفديك=روحي فداك اليا رفعت العزاوي
شفني وفيت وجيت يمّك اسليك=عند النّصايب طايح ٍ ومْتساوي
والله ينساني اذا نمت ناسيك=يوْفى من الظلما لعين العماوي[/poem]

 

[ظافر الهرمسي الهاجري]

لله درك يا الزيد

ما اجمل الشعر هنا

ماجد

صح الله ألسانك وعلا شآنك يا شاعر

 

[فاطمة ناصر]

اغليـك اي والله بالحيـل اغليـك
ياغلى من الحومه لطير النـداوي

اول اجي لك وانتثر بيـن كفيـك
واليوم ذيب فراق وصلك يعـاوي
أحترتِ أي الروائع أقتبسِ .. فكلهَا تحاكِيْ الجمَالِ فكراً وَ قالباً
صحّ لسانُكَ مَدد ماجد
ولكن
( والله ينسانـي اذا نمـت ناسيـك )

هنا اعتقد والله أعلم عليك ان ترى حكمها شرعاً
فالله جلّ وعلا المتصف بصفاة الكمال ،
منزّه عن كل نقص ومنه النسيان الذي هو من صفاة النقص التي يتصف بها البشر ..
هذا والله أعلم

مع إكليل ورد لروحك ../ والـــودَ
.. ..•°