بانتظارك ..!

[إبراهيم الوافي]

بانتظاركْ ..
تجمعين الوقت .. فـ..ـشفاتي جريدةْ ..
تكتبيني ..
تشطبيني ..
نترك الصفحة قصيدةْ .. !
يا عنيدةْ ..
يامطر .. عيّت سحابة لاتفرط فيه والدنيا ظما ..!
ياسما ضمّت سما ..
لمِّي اللي يِنْتثر من سلّة الذكرى ورق ..!
وامسحي.. غيابك عرقْ .. !
علميني ..كيف أنام .. وكيف أحلمْ ِبكْ تجين..!
اسمع الساعة ..حنينْ ..
وانتظرك الليل كله ... واتسلّف له نهار ..!
تعرفين وتدعين ..؟!
تنكرين ْ .. .. ؟!
إنْ كل الوقت مني ..
وانْ نوم الليل عني .. !
نجمتين وانكسار ..!

***

بانتظاركْ ..
آه .. لو تدرين وش معنى انتظارك ... !
يمكن يكون الغياب .. وحزني افبابه .. قراركْ ..!
يمكن اني مرّة ابـ..ـغفلة ظلمتك ...
وكان هذا اللي يزلزلني مع الساعات ثارِك ..!
آه .. لو تدرين .. وش يعني .. تخلّين الغياب اللي يعذّبني خيارك ..! ؟
انكساري وانتصاركْ ...!
شخبطات اللون الاسود في قراطيس البياضْ ...!
انحسار الشمس .. وغبار الرياض ..
غربة اللحظة افــ..ــداري ..!
آه لو تدرين وش معنى انتظارك ...
مثل ما تدرين وش معنى انكساري ...

**

اسمعيني ..
كل مافيني حنيني
الطريق اللي تدلِّيني عليه ..
يضيعْ فيني .. !
والمحلات الكثيرةْ .. فالشوارع ..
كلها تبـْ تشتريني ..!!
واشتريْتِكْ...
( كوب قهوة ) ثاني ... أو عنوان بيتكْ ..!
ما أدلّه ...
لو تحرّيتك .. بركنه ..
يمكن اني صرت كلّه !
واحتريتكْ ...
ذاك بيتِكْ ... لا .. أظنه ذاك ... يمكن لو أقلّه .. !
وينك انتَ ؟ ...
كان جاوبني بظِّله ..!
آه .. لو تدرين وش معنى انتظارك ...
سيرتي والظل ..
واوهام الطريق .. وباب دارك ..!

 

[محمد السالم]

ياااااااه


هنا شعور ومشاعر

فعلا لن تتحمل الجريدة وطئتها


الأستاذ إبراهيم الوافي


كلي سرور بوصولي في المقدمة

لهذه الباذخة

 

[العـنود ناصر بن حميد]

آه .. لو تدرين وش معنى انتظارك ...

أعتقد أن المساء أراد مصالحتي
فأهداني المطر
.
.
دمت بسلام

 

[عادل بدر]

ياابراهيم الوافي أنت وافٍ للشعر .
أتمنى أن لا تخونه ذات يوم لا بغياب ولا بحضورٍ أقل من هذا الحضور .
لم أكن أنوي الدخول إلى أن قرأت هذه الفاتنة .
فدخلت لأقول الله عليك .

 

[ميــرال]

يامطر .. عيّت سحابة لاتفرط فيه والدنيا ظما ..!
ياسما ضمّت سما ..
لمِّي اللي يِنْتثر من سلّة الذكرى ورق ..!
وامسحي.. غيابك عرقْ .. !
علميني ..كيف أنام .. وكيف أحلمْ ِبكْ تجين..!
اسمع الساعة ..حنينْ ..
وانتظرك الليل كله ... واتسلّف له نهار ..!







يامطر .. عيّت سحابة لاتفرط فيه والدنيا ظما ..!
ياسما ضمّت سما

يارب سترك

 

[إبراهيم الوافي]

المشاركة الأصلية كتبت بواسطة محمد السالم

ياااااااه


هنا شعور ومشاعر

فعلا لن تتحمل الجريدة وطئتها


الأستاذ إبراهيم الوافي


كلي سرور بوصولي في المقدمة

لهذه الباذخة

وهنا يورق الصباح بالأصدقاء ..
ما أجمل أن أكون معكم أيها البهي ..

 

[إبراهيم الوافي]

المشاركة الأصلية كتبت بواسطة العـنود ناصر بن حميد

آه .. لو تدرين وش معنى انتظارك ...

أعتقد أن المساء أراد مصالحتي
فأهداني المطر
.
.
دمت بسلام

ودمتِ فاكهة الصحو وشريعة البياض

 

[إبراهيم الوافي]

المشاركة الأصلية كتبت بواسطة عادل بدر

ياابراهيم الوافي أنت وافٍ للشعر .
أتمنى أن لا تخونه ذات يوم لا بغياب ولا بحضورٍ أقل من هذا الحضور .
لم أكن أنوي الدخول إلى أن قرأت هذه الفاتنة .
فدخلت لأقول الله عليك .

نحضر بكم حتى بالغياب ياعادل ..
فشكرا كثيرا لروحك