اللغز الرابع عشر ( 5 × 1 )

فيصل البندر · 08-03-2006, 03:14 PM

اخوتي الأعزاء

اليكم اللغز


	[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]انا بنشدك عن بنتن تجر الصـوت والمـوال=ولاتسمع غناها غيـر لامـن شانـت النيـه لها وسط البلد قيمه لهـا بالمرتفـع منـزال=ولاغنت ضعيف العقـل منهـا هـل عبريـه ولا ياويش رجلٍ لابغيته فـي لزومـه مـال=ودمه كـل مايمشـي يذره وسط حوريـه وانا بنشدك عن بنتٍ توسط في ثلاث اعيـال=سكنها ستة ارجالٍ لهـم قيمـه سياسيـه وانا بنشدك عن رجلٍ بوسط ديارنـا ماجـال=سمعنـا فيـه لكـن ماحكمبـه بالسعوديـه انا بعطيك وصفه كل ماشفته نحيـل الحـال=وحيد العين في ضيفه تـرى مافيـه ماويـه ونا بنشدك عن رجلٍ ترى له بالهدى مدهـال=وخوه اللي مثل وصفه سكن بقصى الحناكيـه[/POEM]

عبدالله ثويني المانع · 08-03-2006, 06:31 PM

..

فيصل بندر ..

دام هذا التواصل الفكري الجميل

بانتظار من يتمكن من حل هذه الألغاز
للمتعة............... والفائدة

لك الشكر والتقدير .. أرق التحايا لقلبك

..

سطام الصعب · 08-03-2006, 06:33 PM

فيصل

كم حل لهاللغز .؟

فيصل البندر · 08-06-2006, 08:33 PM

اخي عبدالله المانع

الشكر موصول لك على هذه المتابعة الجميلة

واتمنى ان ما اقدمة يحوز على رضاكم واستحسانكم

ولك اجمل التحايا

فيصل البندر · 08-06-2006, 08:34 PM

اخي سطام

هناك خمسة حلول لها

يعني (5×1) نقره لعرض الصورة في صفحة مستقلة

عبدالله الشمري · 08-08-2006, 05:07 PM

الأخ العزيز/

فيصل البندر

أرجو أن تجد في الأبيات التالية ما تبحث عنه .....

[POEM="font="Simplified Arabic,5,white,normal,normal" bkcolor="transparent" bkimage="./images/backgrounds/28.gif" border="none,2,white" type=2 line=0 align=center use=ex num="0,black""]ألا يا فيصل البندر هلا بك عد وبل سال=وعدد ما غرّد القمري على الأشجار عصرية
بعد ما أهديك باقة ورد أحب أنشدك "كيف الحال"=وأحب آخذ معك وأعطي بالأخلاق الرياضية
أنا لي خاطر يسلى مع اللي يضرب الأمثال=وأنا واللغز وقّعنا ثلاثين اتفاقية
ترى "صفارة الإنذار" لا دقت يصير إشكال=وترى "هوز المحطة" نعرفه مليون بالميّة
وأظنك تقصد إن "شبه الجزيرة" من سهل وجبال=حكمها رجال قمة شكّلوا قمة خليجية
"وحبل المشنقة" موجود في بعض الدول لا زال=وحكم المملكة بالسيف والأحكام شرعية
وحرف " الها" من حروف لها وسط الحشا مدخال=يذكرني هوا اللي ساكنن وسط الصباحية[/POEM]

عبدالله ثويني المانع · 08-08-2006, 06:13 PM

..

عبدالله الشمري .. لدي ثقة أن أبياتك حملت الحلول الخمس

..

فيصل لا تتأخر

شكري ومودتي لكم

..

فيصل البندر · 08-08-2006, 09:41 PM

عبد الله الشمري

اولاً : اهلاً وسهلاً بهذا التواجد

ثانياً : الأحوال ابشرك على ماتحب وطيب دامكم طيبين

ثالثاً : صح السانك مرتين على الأبيات الأكثر من رائعة

وعلى حلول اللغز نعم اجاباتك كلها صحيحة .

الذين يشاهدون محتوى الموضوع الآن : 1 ( الأعضاء 0 والزوار 1)