دمعـــة ســفر , , , , , , ,

[منصور الفهيد]

.
.
.

السلام عليكم , , ,



اعتقد والله اعلم انني لم اصل الى ما اريده من هذا النص
سيعرفه من عرفني




هو لقلوبكم قبل عقولكم





........................







[poem="font="arial,5,darkred,bold,italic" bkcolor="transparent" bkimage="" border="none,4,gray" type=2 line=1 align=left use=sp num="0,black""]من هكاالليل والشوف محجوب=عنّي وصار شوفيلك شجر
لين صرت أعصر عيون مغصوب=كلّها لحاف واسودها قَبِر
كل ماأخترت لعيوني دروب=هلّنْ وشفتلي دمعة سفر
ارتحلت وتغشّاني شحوب=وجهٍ أبيض وصدّاته قِشر
إلْــ مكانٍ على اطرافه هبوب=واصْبِح غيوم وإيديني مطر
وانْبِت بقاعه الرمضى شبوب=وإيتباها بحلّتها جمر
وإن طغــى به رماد أنشب حروب=و أنحت اقوى صداها في صخر
وأهرب وكنت أنامحتاج كوب=إلْــ يدينٍ مجرّحها نهر
الحقيقه ماهو معنى هروب=كثْرِِ ماهو تهرّب من قدر
يامحمد إذا الأحزان طوب=واقعك مر وأحلامه أمر
المحاني تصافق لو تذوب=والمشاعر تلبّسها كبر
والهواجيس صارت دوب دوب=غصن يــابعْده و بُعْد الثمر
واشهب اللاّل لو يصدق كذوب=العمى ماتعدّاني شبر
ولو تبي منّي أفكاري تتوب=لملمت كل معنى بي كفر
مير وقتك مقدر ومحسوب=طرّز صدورنا عقبك قهر
وإنت طولت والوجهه جنوب=والصبر كيف أبخلقله صبر
أربع شهور والخامس يجوب=حرت أبلقاك ياصدر البحر
ترتدي كل هالعالم ذنوب=لاتعرّت بشر ماهي بشر
صامَت الفاتنه فترة وجوب=لانها تندثر أو تنتحر
خالقي حدرك أوطان وشعوب=والغنى ماهو بعكس الفقر
إيه شاعر وانا ماني لعوب=انزف وطالبك عفو وستر
طالبك تكسي المحتاج ثوب=عافيه فوقها طولت عمر
ومن هكاالوقت والافكار عوب=منّه وجيت أغرف من كدر
جيت وكلي حظر من كل صوب=أمتطي صهوة هموم الفكر
كل مااخترت لعيوني غروب=ابتعدت وتخيرت السهر
ولو تباكت على شعري قلوب=يامحمد ماهي لحية شعر[/poem]




.