عليــه بالطــلاق

[ناصر آل مداوي]

كلمات كُتبت على لسان شخص عزيز

.
.
.
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]أرسمي سود الليالي في صباحات الشروق=إنحني للزيف والبهتان واصوات النعاق
لطّخي وجه المودّه بالعنا.. واثني الحروق=بدّلي كلّ الأسامي السامية باسم النفاق
كبكبي كلّ الأواعي .. واحفظي كلّ الحقوق= من خداع وغشّ باسمك من قبل لا هي تباق
سامحي من سخّر فْواده يكون لْك الصدوق=غلطةٍ وان عادها للنايبة جعله يساق
أيقظي ليل الطرب.. واستحضري نوض البروق=واعزمي زين المعاني واحضنيها باشتياق
نزّلي نصف النجوم ونصفها خلّيه فوق=خلّي النجمات تحرق ليلتك شرّ احتراق
زيّني خصلات شعرك من سنا النجمة بطوق=مثل بنت الشيخ هودجْك انتصب فوق النياق
لا غدى صيب الردى يطرق على بابك طروق= ونوق مكره في ربا صدك لها دوم انطلاق
دام صيب اللاش في قلبك له جذور وعروق=وابن شبّاب الكرم له في لياليك انزلاق
فاشرعي البيبان للدجّال ويدين السروق=وقطّعي وجه الشهامة واصفعي خدّه طراق
من عرفتك وانتي اللي ساكنه وسْط الخفوق=من عرفتك وانتي اللي منْك في الجوف اختناق
يا كم اعطيتك خيام وزلّ ودلال وعذوق=وانتي تكاثرتي انّي أستلف منّك رواق
دايم اسمك لي مرام ومن ثمر طرياه اذوق=وانتي اسمي لانْذكر قلتي ورد ضمن السياق
ما خبرت بيوم جيتك ما غشت صدري فتوق=ما خبرت بيوم جيتي ما عسل فرْحك يذاق
جيت واعطيتك مهر مليون حبّ وألف شوق=ما دريت انك تبين الكذب بجذوره صداق
رغبتك ماهي لي بْمبدا ولا طبعي الفسوق= حالفٍ يالصدق مابيعه ولو قلّ الرفاق
لو حسِب يا بنت فعلي من دلالات العقوق= اشهدوا ياناس كلّي فخْر لا من صرت عاق
يا صغيرة كلّ واحد له مذاقٍ ومْعشوق=لك مذاقك وابتعادك عن حياتي لي مذاق
ماني بْخلّك ولا لك في خفوقي غير عوق=ابعدي يا هيه يالله صرت انا خلّ الفراق
شكلك ورسمك وكلّك ليّ ابد ماهو بذوق=راحل وللبُعد في شطّ الدوانيق اصطفاق
وانسي انّي عنك باسأل يوم والا لك باتوق= والله اللي خالقك ثمٍّ عليّه بالطلاق
مارجع لْما عفت لو طيّح سلاماتي الفهوق=ماني بْراجع ولو يرجع هولاكو للعراق
وان رجعت لشيّ عفته ما يسرّ ولا يروق=يا عسى من قبل مارجع دمّ خفاقي يراق[/POEM]

وسلامتكم،،،