تكدّر مزاج السالي ،

[حسام المجلاد]

تكدّر مزاج السَالي اللي معَ السالين
يغيّب عن الواقع وهو صَاحي وّواعي !!

ذكرتك،وانا آحبك من اوّل إيلين الحين
ولاخْطيت غير إنّ الوفَا طبْع ب اطباعي !!

انا حالتي بعدك آناطح زماني .. لين :
تردّت جميع أحوالي وشَانت اوضاعي !!

طلبتك حبيبي لاتنشّف دموع .. العين :
انا الوقت يطلبني، وتطلبني أوْجاعي !!

فـَ لاني معَ الموتى ولاني معَ .. الحيين
مثل جثّةٍ دِفْنت بلا مأتم* .. وناعي !!

لـِ ذلك كتبت الشعْر والشعْر ياغَالين
على قدّ حزني فيه يتْزايد إبْداعي !!

خذيته نفس واتْنفسه بين حين وحين :
ولا لدّني عمْري ، ولا قصّر ذراعي !!

يقولون فـَ العشرين مانيب فـَ العشرين :
"تأخّرت" عَن عمري بـْ "تقديمها" وْداعي !!

طوت قصّةٍ طالت معاها 3 .. سنين :
وانا ازريت اناديها، وهي ملت الداعي !!

حبيبة زماني "غيم" يهطل بجنبي لين :
تسامَى على قاعي ولا هلّ في قاعي" !!

عسى الله يكتب لي لقى دامنا حيين :
انا العمر دون أحباب ماشوف له داعي !!