مروات الفتى ...

[وليد بن رشيد التميمي]

السلام عليكم ورحمة الله وبركاته ،،،،

ولاجديد غير الشعر ، غير إن العلوم الطيّبه ماعلى شارق شمسها ليل دامس ، و بأصحاب الجود حقها معروف ..
...
( وقفه ..)
،،
لاصار ماتكسب يمينك مروات .. يصير مالك مع أهل الطيب مخاوي
ولابد ماتاخذ مع الاجواد وقفات .. وأهل الردى ماظنتي لك عزاوي
ومن لابخصّ بالعرف يأقع بزلات .. ياعلة المصرّان مالك مداوي

..
.
وصدق المثل الشعبي القائل .. ( قليل العرف بلشـه ولابد ماتبحل به )
،،،
،،
،

بديت بأسم مكون الكون بالكاف
سبحانه المعبود خلاّق النطايف
..
أدعيه وآرجيه ومالي بالاسراف
وأطلبه يأقاني من شرّ الطوايف
..
وأرعى حقوق الجار لايظام ويعاف
بجوارنا مايشوف ذل ّ وكسايف
..
متوارثين الطيب من عهد الاسلاف
تشهد لنا رجال ٍ علومه طرايف
..
عهد ٍ مضى سجل لنا العلم بإنصاف
تنطق بنود الحق بيض الصحايف
..
ياما وياما فيه تعليّت ماناف
جال ٍ زما رؤؤس الجبال النوايف
..
همٍ ٍ يخجّ إحساس روحي ولارآف
لادكبيّ هاجوس ذكرى الولايف
..
أقنب قنيب الذيب من شين ماعاف
ويجاوبٍ ذيب ٍ علا راس نايف
..
غديت أنا ويّاه والهم ميلاف
مافاختن همّي ولايوم سايف
..
تسمع لحسّ الصوت لاصد رفراف
وعن شفّه آجنب مصد ٍ وعايف
..
بداخل جوشنه كنه بناب هراّف
وأعدو عينك بالضلع معديّ وهايف
..
ذيب أسود الليل جايع وحوّاف
شاته إتثنّى بالسنين العجايف
..
ياجويهل ماتدري اسلوم واعراف
وجه الرديّ كالح بين العفايف
..
يامغرر بالهمل مامن ترى خلاف
لايرجهن مثلك بلبّاس الغدايف
..
الرمح من الخفاجيّ وقّع بالاكتاف
وأشد من وقع السيوف الرهايف
..
هاذي مشاربها من قبل الإنكاف
وأباحقب والبوم بعال الشرايف
..
هذاك يارد والآخر صابه ارجاف
وحبل المشارع مومي بالسفايف
..
ولو شاف حالي من هوى الطيب ميهاف
عدّي على جال الطويل المهايف

،،،
،،
,
وسلامتكم جميـع ...

 

[رشا عرابي]

لله أنت!

ويبقى الطّيب صفة النبلاء
ومؤونة الأنقياء يا طيّب

معين الحكمة هنا لا ينضب

حفظك الله

 

[عبدالله سماح المجلاد]

هنا إحساس وليد ياشاعرنا القادم للشعر وليد التميمي
أثق بأنك ستعود لتفاحئنا بشعر كالذهب الخالص وسأكون بالانتظار لموعد قدومك أيها القادم لموعد الشعر ومنتظريه

 

[نادرة عبدالحي]

صاحب الكلمة النبيلة الشاعر وليد التميمي

مُشرق في بوحكَ وطلتكَ ......شعر يُغلف الفكر

كلمات عناقيد ضوء تعوم في الروح وتنفض الموج وتتعمق في تنفسها ....

سلم الفكر النير شاعرنا الكريم .ودامت المحابر عامرة

 

[عبدالإله المالك]

وليد التميمي

قدمت شعر رائقا

حييت