تمائم

[محمد المغضي]

تغرب.. واحتضن جرحك.. بعد ما تكسر الأغلال;
......................تسرب ..ضي من دمعك.. الى أخمص قدم ظلماك

بصمتك .. حدّ .. سكين المسافه لاجل ماتغتال
....................وصال الصدق... في فاه الكلام المنتهي بشفاك

إلى الأول من حروفك ...بآخرها اشعل الترحال
.................... ولوّن من تلاقيهم/ بياضك ..واعتقد منفاك

جنونك .. لونك..وطهرك /عبث مابينهم تختال
....................لأنك ...لوتأملتك ...بعين الطيب ..ماتلقاك

لأنك ..مادريت انّك ....سلاف / وسالفه للأال
......................... لأنك ماجرحت الاّ .....خيالك من كثر ممشاك

في عينك ..سِفر أحلامك ...متى يتفسر وينقال
.......................... في إيدك ...كم طرق ضاقت.. من الضيق اللي في دنياك

تمائم ..علّق اقلامك...إذا صار الورق تمثال
........................وقوم اسفك دم افكارك ...عليها قبل ماتقراك

بموتك / قوم واتّحرش.../ عشان تعيش يارجال
.............................عشان تصير في عينه ....كبير / ويبعد وينساك




صحيفة أوان......18/12/2009