أغراب ..

[منتهى القريش]

مدخل لـ غصه ..

يـ الغياب اللي ..
كسرني وما كسرهم
الـ أحسه ..
مو مجرد .. حسره أبلعها بـ غصه
شي أشبه ..
باشتعال النار واضلوعي حطبهم
شي أكبر .. م الحنين
وابعد أبعد ..
من عذاباتي .. عتابي
واحتمالات الظنون ..
شي أشبه .. بالعمى
لما فجأة .. ينطفي نور العيون

.....................

لو أون
ونتي يمكن حزن
وان ضحكت ..
ماني والفرح أصحاب

ضاع بـ اعيوني وطن
والـ أحبهم
وابـ ودادي ..
كنت أدثرهم والمهم
صاروا ابـ روحي أغراب

غابوا لكن..
غرقوني
في بحر .. والما ألمـ هم ..
صرت عطشانه افـ بحرهم
منين أدور لي ازهاب

اجحدوني
وقلبي عمره ما جحدهم
كلما ..
حاولت أنساهم واصدهم
لقيت نفسي .. وحدي أمشي
في الطريق اللي أخذهم
خطوتي تتبع أثرهم
وتضيع في لجة سراب

وافـ زحمة النسيان ألقاني افـ صورهم
حتى صوتي ..
افـ بحته يسألني عنهم
وآتوجع
حسره أضحك
كني اللي ما فقدهم!
وتنترس عيني ضباب

يا وطن ..
عادي أتكدر بـ المهم
أريد لو بالحلم أضمهم
حتى لو يكبر عذابي
واختنق حسره ابـ سببهم
بين ايديهم لو وهم ..
يكفي احساسي ابـ وهمهم
المر يحلا ..
وصمتهم من يمر ..
في شفايفهم سحر
حن على جرحي وذاب ..

بس تكفى يا وطن ..
كل شي إلا كدرهم
دام راحوا
يمكن ارتاحوا ابـ هجرهم
حتى لو هم .. غربوني
حتى لو هم ما يبوني
انت تدري .. اشقد احبهم
بتبقى ذكراهم ابـ روحي
ماي
من أعطش يداوي كل عطشهم
أغراب راحوا ..
ولو يردوا لي أغراب ..

 

[بندر الصقر]

منتهى , روحٌ جفّت وهي تروي عطش الآخرين ..

جميل ي ام صبا , وموجع .

 

[عبدالله العويمر]

بس تكفى يا وطن ..
كل شي إلا كدرهم
دام راحوا
يمكن ارتاحوا ابـ هجرهم
حتى لو هم .. غربوني
حتى لو هم ما يبوني
انت تدري .. اشقد احبهم
بتبقى ذكراهم ابـ روحي


حرفُك ِ وفيّ يامُنتهى

سلمت ِ

 

[صالح الشملاني]

سحقاً لشعر .. ان لم يكن هـ كذاء لله درك
صح الله السانك

 

[خلف المهيلان]

اما اريد لو بالحلم اظمهم حكاية شعر اخرى
منتهى الجمال والعذوبه كوني بخير ود

 

[هـيـفـااللاّفـي]

.
.
منتهى قريش ..ومنتهى الجمال
وحشني حرفك كثيرا يانبيله ..
هنا الشعر أكسجين يجعلنا نستنشقه بمعق أكبر
هنا الشعر ماء يجعلنا نرتشفه دون ان نرتوي
هنا الشعر الحقيقي
هنيئاً للشعر بك يانقيّه ..

 

[فرحَة النجدي]

جميل جداً يا منتهى ،
صح كلك .

تبارك المكان بنور حضورك بعد الغياب ،

 

[فهد الغبين]

من تهى


لله درك يابطله ..وكفى