بشّـار بن بُرد

[سلطان الدوسري]

السلام عليكم ..
وصباحكم \ مساكم هيل وزعفران..
متواضعة كل أمانيها القبول ..
.
.
.
.
[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]زمن تافه زمن أغبر زمن حاقد على التحنان=زمن تبجيل للذرّه .. يحاكي اسطورة التنّين
على ناقوس دقّاته ذكرت من العرب اسبان=عرفت ان الخطر قادم وأحددّ مركزه بالصين
زمن يبكي على وقته .. يعرف بقسوة الانسان=يمددّها على كيفه .. ونوبل هو سبب تدشين
ولو جينا نفندها .. رفضها محمد الرّويضان=هواوي عاشق بقوّه .. هنوفه تطلبه حبّين
وانا بدبل بعد حبّي .. ولو قلّلت انا الغلطان=واصرّح لك قسم بالله احبّك موت لو تدرين
اجل باقف على اطلالك واقول انّ الهوى بركان=وابقذفها حمم عاشق واصدّ القذف لو تبغين
أبيها في حنايا القلب .. ارددها : أنا سلطان=ملكت القلب بشموخه .. وانا شامخ الى هلحين
احبّك يابعدهم .. لو يموت من الجفا أزمان=واحبّك لو حسبتيها تعرفين العدد ؟ تبطين
ابدمجها رياضه مع نحو يُرفع مُثنى .. اثنان=واذا صرنا نبي نكذب ؟؟ نصبناها تصير .. ثنين
ولو قلتي نبيها غير .. من عيوني نشوف الجان=عطيني وقت وانتظري واذا ماعْجبك لاتقرين
كتبته لك تقرينه .. وصار القاري البطران=قراك "بوااااو" وطبعا "صاد" "نون" "العين" قال : منين ؟
ايّ منين ؟؟ ايّة فين ؟؟ .. راح الوقت ياهيمان=عُكاشه لو سبقني فيه ؟؟ اموت من القهر أحّين
يعني أحّ .. تقفى أحّ .. وأحّ تهدّ هالبنيان=وقولة أحّ من عاشق ؟؟ يطقّ بداخله عرقين
ابتفلسف بعد عيني .. وردّي قولي انت جنان=وانا مجنونك العاقل وابثبت لك على حرفين
ابكتب حرف وامسح حرف واحط افكار " كالعميان "=ولو شاف القزح " بشّار " تغيّر لونه المسكين
بدل سبعه يجي ميّه .. يجيب من الظلام الوان=عيون الشاعر الأعمى تراعي خاطر الجفنين
ذبول جفون من دمعه يحتّ الرمش من احزان=بياض النون ياقوّه .. يخاف الرمش قبل العين
نُداري دمعةً ماتت على جفن ٍ من الحرمان=أيا شوقاً يُأنبُني .. ألا يعلمْ بمَ تُخفين ؟؟
يفزّ الشوق احياناً عليه من الحرس اطنان=يخرّبها ويوصلّك .. يبوس شفاه مع يدّين
ولو قلتي تبي يدّي .. اكيد اني انا الكسبان=واذا هي معادله فعلاً ؟ خسرتي فرصة التقنين[/POEM].
.
إحتراماتي

 

[سلطان الدوسري]

صح قلبك ياسلطان ..
.
.
احتراماتي

 

[العـنود ناصر بن حميد]

.
.

سبقتنا يالسلطان

صح قلبك

ودام الجمال نديم حرفك

تحياتي

 

[وائل فهد]

سلطان الدوسري

نص رائع ومدهش
لك كل الاعجاب والمتابعه
كن بخير

 

[خالد صالح الحربي]

*

لا زلت تُمَارِس الـْ..إجرام..
مَع سَبْق الإصْرار والـ..تّوَدّد.
أيضاً../. صَحّ قَلْبك.

 

[سلطان الدوسري]

العنود ناصر .................

صح بدنك ..
وشكرا لهذا التعطير ..
.
.
احتراماتي

 

[سلطان ربيع]

الـسمي
سلطان

عشت يالغالي
أطربتني ياسلطان

لك الثناء والتقدير

 

[نواف التركي]

صح قلبك

تكفي

لا

صح كلك



مدري بعد ما تكفي


يا أخي صح روحك

زين كذا