|| الذّكريـــات ..!

[ندى الجبر]

"

نداءٌ أخير :

يَ ناسيني
مَ عاد البوح يغريني ..
ومَ عادت أطهر ذنوبي عن ذنوبي تسلّيني و تواسيني ..!
يَ أجمل من سكن فيني ..
كذا إرحل ،
وخلّك أبعد وأجمل ..
وخلّيني ..!
تصوّر ماقدرت أبكي على فراقك ..
ولا حنّيت لعناقك .. ولاضاقت بي سْنيني ..!

تصوّر إنّك الراحل ، من أيَّامي ..
ولا حَرّكت لك ساكن ..!

ولا ضْلوعي من الونّات .. والعَبْرات يتبَاكنْ
تصوّر : قلبك الغالي رحل عنّي ولا ودّعته
ولـــــــــــــــــــــــكن :
أبودِع معْك إحساسي .. وأشواقي وأشجانك
ونور الصبْح بوجودك وعتمة ليلي الداكن ..
تذكّرني ..
إذا فتّشت في قلبك و كان الشوق به ماكِن
وتذَكّرني ،
و كذا إرحل ..
وخلّك أبعد وأجمل ..
وخلّيني ..!

مايبيد الذكريات إلا الحسافة
..................... ومابقى لك ذكريات إلا التَّوَاني
والتخاذل ، واستطالات المسافة
..................... بين نكرانك ، وبين أكسب رهاني
بس : خسرته و انبرى شعري وقافه
..................... بالعتاب وناحت الورقا عشاني
أذكر إنّك ذنب .. ماهبت اقترافه
..................... واذكر إنّ الذنب بالحسرة ملاني
واذكر إنّك درب .. قاربت انتصافه
..................... وكنت ابوصل بسّ : خطواتي تعاني ..!
كنت لاجْمل حلم : مَرساه و ضفافه ..
..................... ماترَفّقت و تركته للمواني ..!
صرت اهاب الحلم و يِعْيِيني هُتافه
..................... و صرت اطيع الهم و الهمّ يْعَصَاني
الخفوق اللي مغطّيك بلحافه
..................... يوم ذاك البرد معتبره اناني
[ كيف يستفرد بهالبرد وجفافه
..................... وكيف تدفى انت في حضن الأماني ] ؟؟!
صار بالي .. وعاف إخلاصه / و عافه
..................... أجمل أحلامه وملّته الأغاني
والصباح اللي تهقويت انصرافه
..................... دون ما ذكرك يعلّم بالمَحَاني
خانني واعلن مع الذكرى ائتلافه
..................... و بالأمارة : مابرَح ذكرك لساني
كاااااااان قلبك .. يشتكي لي من عجافه
..................... ومن سنيني جِدْت له يومه نَخَاني
ليه عاينت الغلا وشفت اختلافه :
..................... وعن مداك استكثره وقتٍ نِفَاني ؟!
ليـــــــه مدّيت الجِفَا بْـ قِلّ الكلافة ؟!
..................... ليه تكسر خاطر الهقوات عاني ..!
الخفوق اليوم يهديك اعترافه
..................... من بعد جرحك .. توَسّم بالتفاني
قبل جرحك .. كنت مِنَّه في مَخَافه
..................... هالفراق اللي تطرّيه الثواني
كثّر الله خير جرحك [ و التفافه
..................... حول قلبي ] واعتصامه بالمحَاني
بيّض الله وجه عَبرة ، وارتجافة
..................... هزّت ضلوعي و هَبّت لاحتضاني
بَعْدهم بانت بي آثار النحافة
..................... و بعدهم آمنت إنّ الحبّ فاني
عقب جَرْحِك .. مابقى شيٍ واخافه
..................... إرحل ، وبَلْقَى المَبَرّة من زماني

- أعتذر ..!

- -

 

[عبدالله السعيدي]

جميييله جـدآ يـآ ندى ,
حـبكه شـعريه ممـيزه ,
أحسنتـي يـآ مبـدعه ,
صـح إلسـآنك مدد ,

 

[رنين الذهب]

ندى الجبر

مدينه من شعور عنوانها الشعر والعذوبه

 

[عبدالله العويمر]

أذكر إنّك ذنب .. ماهبت اقترافه
..................... واذكر إنّ الذنب بالحسرة ملاني




نَدى
والذّكريَات هُنا مَدَائِن ُ جَمَال

سلِم قلبُك

 

[عبدالإله المالك]

الشاعرة ندى الجبر

بَعْدهم بانت بي آثار النحافة ..

اسقاط تصويري مبتكر ومتميز وعبقري ..

للنص ككل شكرا

 

[تفاصيل منسيه]

ندى الجبر
و
أبياتك كـ الحلم الجميل..تأخذنا بعيدا
لمساحات من الجمال المفروشة بأزهار إحساسك النديه..
سعدت كثيرا بمروري من هنا..فتقبليه ..سيدتي الجميله..
دمتي بود

 

[أجراس]

أنتِ فارقة .. جداً



صحت الروح ياندى