لعلـّي اجد ان وعدي المقتول جعلني اوسوس متى يبعث وانا انتظر...
مدري وش اللي يجول بخاطري حسّه
يمكن ليالي تذكّرني مشارقها
أوهي حقايق تقول الحزن يا خسّه
لاعانق ايامي اللي زان عاتقها
ناديت بحر الهجوس وقلتله رسّه
الظن.. يتعب شطوطٍ دوم يفارقها
ينسى مراسية وانت لسارقة نسّه
تعبت قدم شعري مشيٍ في طوارقها
لو المدى له كفوف وخافقي حسّه
اتبان كيّه عظيم البعد حارقها
قد قال طول السهر لاصبّحك مسّه
لاتسقي لحظاته بعينك عشارقها
والياس لو مكثرٍ في داخلك عسّه
ببقى على وعد ليلتنا وشقايقها
ثم قلتله لاتزوّد هرجك وبسّه
لاتجعل الفرقا توسمني مطارقها
ماريّع الدمع خدّي منك ومامسّه
وقذلت حنانك بوجه الريح فاهقها
مدام عرقي تدلّابك غلا قسّه
حبس الدما منك ماتمِحل معاذقها
ارفع هدب كان رمحك ودّك اتجسّه
وتشوف عينك بثر روحي مخارقها
هذا الصحيح وترى قيفاني محتسّة
ان الوعد موتته برثي حقايقها
فــــهد بن مفــلح
آخر المشاركات
05-02-2011, 01:09 AM
وعد صادق ومكذوب
العرض الشجري