المرايا

[نايف بن محمد]

الــمــرايـا

..كل المرايـا فـي غيابـك عناويـن..

..للحزن في همس الضلـوع الدفينـه..

..تشكي علي وانا أبشكي على مين ؟؟..

..غير الصبر ودموعـه اللـي بعينـه..

..يا كم صبرت أيام وشهور وسنيـن..

..يقطع شهور الصبر يقطـع سنينـه..

..أسأل حبيبي وين ..ودروبه إمنيـن..

..كـل الجهـات الأربعـه جاهلينـه..

..الناس بعده مابهـا لطـف أو ليـن..

..لـو تسـأل الواحـد كأنـك تهينـه..

..ماتت عروق الحب يا شجرة التيـن..

..ونهر الوفا ينضب بوسـط المدينـه..

..والشمس في حضن السماء غايبه لين..

..يشرق على روض المحبـه جبينـه..

..حتى الطيور الصادحه صوتها شين..

..ماعاد تطـرب هالنفـوس الحزينـه..

..وروس الجبال العاليه جا لها حيـن..

..تسجد على ارض الغيـاب اللعينـه..

..وانا الذي مفجوع من لوعـة البيـن..

..شاعر تمرد فـي حروفـه حنينـه..

..أمـد كـف اليـاس لله.. مسكـيـن..

..ويـن الأمـل يانـاس بالله ويـنـه..




.........................................وين الأمل ياناس بالله وينه..

.........................................وين الأمل ياناس بالله وينه..

 

[بندر الصقر]

رحلة الشوق طويلة ومتعبة وقاتلة عندما لايكون في زوّادتك _ على الأقل _ شيء يسير من أمل ..

صح لسانك يا نايف .. جميل .

 

[ميــرال]

لهذا الوجع والحزن حكاية لاتنتهي بعذوبتها ولطفها
جميله المرايا

 

[نوف سعود]

..يا كم صبرت أيام وشهور وسنيـن..

..يقطع شهور الصبر يقطـع سنينـه..
.
.
.
هطول عذب الأخ القدير / نايف بن محمد ...
تقديري ...

 

[أحمد الهايس]

..أمـد كـف اليـاس لله.. مسكـيـن..
..ويـن الأمـل يانـاس بالله ويـنـه..

حكاية يطول شرحها يانايف
نص يشبهك تماما ً بعذوبته
كل الورد والورد

 

[نايف بن محمد]

المشاركة الأصلية كتبت بواسطة بندر الصقر

رحلة الشوق طويلة ومتعبة وقاتلة عندما لايكون في زوّادتك _ على الأقل _ شيء يسير من أمل ..

صح لسانك يا نايف .. جميل .

بندر ...

الأمل وين الأمل ...
أذكره شيخٍ ثمل ...
مر من جنبي وطاح ...
وأعلنوا موتة زمان..
بآخر أنباء الصباح ...

تسلم لي عالمرور

 

[نايف بن محمد]

المشاركة الأصلية كتبت بواسطة ميــرال

لهذا الوجع والحزن حكاية لاتنتهي بعذوبتها ولطفها
جميله المرايا

ميرال

الف شكر وعطر

لطلتك الهية

تحياتي

 

[نايف بن محمد]

المشاركة الأصلية كتبت بواسطة مجدولينا

..يا كم صبرت أيام وشهور وسنيـن..

..يقطع شهور الصبر يقطـع سنينـه..
.
.
.
هطول عذب الأخ القدير / نايف بن محمد ...
تقديري ...

مجدولينا

تحية أرق من الجوري المبلول
لقلبك ...

شكر ..