قله يابو مزيد !!!

عبدالله العلي · 03-16-2007, 08:40 AM

اخواني شعراء واعضاء منتيات ابعاد ارجو ان تحوز اعجابكم

الاهداء للنقي محمد بن دهام الرزني
[POEM="font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black""]
ياراكب اللي ورودهـــــا هل الكاب = عبر البواخــــر عابـــــــــرات المحيطـــــات
ماجاز لي وصف المواتـــر ولا طاب =الا الذي حاز المزايـــــــــا الفريــــــــــدات
اخير و ابرك من خرابيـــــــط ينساب = سوق الفلس ســــــــوق الليال الاخيرات
ابو ثـــــــــلاثٍ كنها رســـــــــمة الناب =علامتـــــــــه متـــــميـــــزه باالعـــــــــــلامات
في صنعته تفاخروا شقر الاشنـــــــاب =ابداعهـــــــــم حازو عليـــــــــه الشهادات
ليا مشى طفـــــــــــــرة مشاريه وعتاب =شموخ شيـــــــــخٍ في نهار المطمــــات
زومة عديمٍ لاوعــــــــه ظلم الاقراب= ياما تجــــــرع من عظيــــــــم الاهانات
لاغتز خشمه مقفيٍ والهـــــوى هاب=راعيه ما يحسب حساب المسافات
اللي تسمى بالشبح دون الالقــــاب = لانه خيالٍ ومن فريد الخيالات
لــــو للمواتر مجلـــس امه ونــــــواب = حاز اولوياته بعـــــــــد فرز الاصـــــوات
تحفه من الصــــــدام يالين للابواب = من لاقدرهـــــــــا دونهــــــا جر الاهات
تسري من الباطـن ليا دار الاحباب = مسرى الذي طـــــاويه شوق المغيبات
للشرق يمة سايقه وافي الانســـــــاب=صوب الكويت ومن تعدى الجوازات
سيّر على اللي للطــــــويلات كساب = بالطيب له نخــــــوه وفــــزعة ووقفـــات
له مجلـــــــــــسٍ دايم ولاسكر الباب= مفتوح للي يدهلـــــــــــــه كل الاوقات
اقلــــــط وريح عند فكـــاك الانشاب = حلاّل كايــــــــدة اليال العسيـــــــــرات
مايحسب حساب الخساير والاتعاب= هيهـــــــــات ضامه جاير الوقت هيهات
ما خاف فقر ايام عمره ولا هــــــاب = واثق برزقه عند رب السمــــــــاوات
يرتاح لا لم القرايب والاجنـــــــــاب = يفرق غلاهـــــــــم جاوز الحب للذات
قله (يابو مزيـــد) عسى فالكم طـاب = وسلم عليــــه وبلغـــــــــه بالتحيـــــــــات
قله تراني من عنا الوقت منصــــاب = واحتــرت حيـــرة من خذتـه المتاهات
ضاقت ودون السالفـــه عدة اسباب = يفــــرح بها اللي بالمخاليــق شمـــــــات
وماني من اللي بالمــواجيب لعاب = ما يرخـــــص الغايه ردى الوسيـــــــلات
مير البلا لفارقـــــت عين الاصحاب = وليا انقطـــــع حبل الغــــــــــلا والعلاقات
لصار باقيلك رجــــــا والرجا خاب = هقـــــوات تدنيبـــه وتبعــــده هقـــــوات
دام الاماني كارثة زيف كــــــذاب = وش عاد يرجي بالصدوف الجديدات
رجواي بالفرد الصمد رب الارباب = بامـــــره يبـــــدل عسر الايام يـــســرات

[/POEM]

**قايـد الحربي** · 03-16-2007, 03:09 PM

عبدالله العلي
ــــــــــــــ
* * *

يشدني دائماً وصف السيارة بالشعر
فهي باب المفاجآت الذي لم يُغلق بعد ..
وصفٌ رائع وشعرٌ أروع
شاعرٌ جميلٌ جداً ويستحق الممدوح ذلك بالتأكيد .

شكراً كثيرا .

محمد الضويحي · 03-16-2007, 07:08 PM

عبدالله .. الشبح يستاهل

وعز الله انه مركب الملوك

دمت بخير

سلطان المسلط · 03-16-2007, 10:28 PM

الجزل / عبدالله العلي

الله عليك ياعبدالله ..

كم كنت محتاج لمثل هالقصيده

يعجبني جدا هالاسلووب

صح لسانك .. ونعم بصاحبك

ويستاهل المدح كسابه

مودتي

سلطان المسلط