[ تفارقنا ]

[ناصر حطاب الدهمشي]

السلام عليكم و رحمة الله و بركاته ..


هُنا المكان آمن للفضفضة .. و للحفظ


بقى فيني حنين أكبر من اللـي بْغيبتك..قلْتـه
................. قسم بالله لو عمري يجيبك لـ ارخص بعمـري

لك الله من تفارقنا رجل فينـي تجاهلتـه
................. تعالي و اسمعي صوت الحنين إلْيا بدا يْهـذري

شمالي حمَّل اشيائـه معـاه و شـد راحلتـه
................. يسوج البيد و يهيجن : متى اسمي إبَّالها يطري

يمررني على المنفى ولـ اسمع غيـر بلبلتـه
................. تشابِه بلبلة صدر اجودي من خلقته .. فقـري

صدور الناس ما تدري عن إغيـاب ٍ تحملْتـه
................. و لا فيها صدر شال الغياب و ضيقتـه كثـري

ذبحت الحلم في نفس اليدين اللي بهـن شلتـه
................. دفنته و القبر كان إغترابي و الكفـن صبـري

يا بنت الناس .. بغيابك كبر صوتي و لا شلته
................. عجزت القى لحن يستوعب إفراق ٍ كسر ظهري

تفارقنا و كـل درب ٍ يذكِّـر فيـك .. زاولتـه
................. أحس كل درب ٍ أحييته معك..في آخره قبـري

يـ كيف اهرب وانا جسمي من اغيابك تثقالتـه
................. أخاف آطيح من عين الطريق إلْيا عرف عذري

أنا يا غايبة .. شاعر عظيمة حيـل منزلتـه
................. عشان الملح لـ يْطوِّل غيابك و احفظي قـدري

تعب شعري .. يهرّبني من الماضي و بهذلتـه
................. تعب وقتي يغرّبني و لا بِه حي .. بـي يـدري

كثر مـ يْقلِّب افراق الحبايـب فينـي اسئلتـه
................. كثر ماطيح من عيني .. إذا فج التعب صـدري




فضفضة
.
.
ناصر حطاب الدهمشي

 

[ناصر حطاب الدهمشي]

لها ..


حاولت اقرِّب .. لكـن الوقـت عيَّـا
,,,,,,,,,,,,,,,,,,,, إلا أفارق .. يا مضـاوي و اطيعِـه

وأنتيِ يا لـو ماهـو مكانـك هنيَّـا
,,,,,,,,,,,,,,,,,,,, حرام ما ضاقـت علـيَّ الوسيعـة

ودعتك الله و إن طـرت لـك حميَّـا
,,,,,,,,,,,,,,,,,,,, جودي على اللي في يدينك .. ودعية

قلب ٍ زرعتـي فـي ضفافـه جفيَّـا
,,,,,,,,,,,,,,,,,,,, ليه انقله دام إن حصـادِه .. قطيعـة

خوذيه .. أبرحل .. وان شرهتي عليَّا
,,,,,,,,,,,,,,,,,,,, تذكّـري زرق الطعـون الشنيـعـة

ملّيت أخـاوي ضيقتـي .. و آتفيَّـا
,,,,,,,,,,,,,,,,,,,, صدمة عمر .. تقاسمتني .. فظيعـة

عيشي وحيدة .. و الغياب إن تهيَّـا
,,,,,,,,,,,,,,,,,,,, غيبي.. قبل تبـرم عليـك الهزيعـة

مقسى من أنثـى تطعنـك بالخفيَّـا
,,,,,,,,,,,,,,,,,,,, إلا السكوت.. و في ضلوعك فجيعـة


.
.
ناصر حطاب الدهمشي