شتان مابيننا شتان : )

[سلطان العتيبي]

السلام عليكم ورحمة الله

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] على اضعف اوتار عودي يعزف الحانه=الحان ماتطرب إلا / نفس مخدوعة !
وقت السعة ينتحل حلاوة لسانه=وتضيع لاجيت أدورها من طبوعه
انسى الخطا باعتبار ان الزمن خانه=واسامحه ,, وآخذه في سكة رجوعه
ويعدني مجرم ٍ بيدين سجانه=شتان مابين مشروعي ومشروعه
أشوف من جيّتي / تقدير ٍ لشانه=ويشوف من جيّته / مارية خضوعه
نقصاني ب/زودي ,, وزوده ب / نقصانه=هذا هو احساسه الغريب من نوعه !!
يامن يلمح له إنه تاه عنوانه=ويعلمه وين كوعه , وين كرسوعه
وإني لو اواخذه باسباب هجرانه=شرياني أقوى ( على الصدة ) من ضلوعه !
قبل يموت الرجا واملّ ميدانه=ويكسّر حسابه ,, ويشوف مجموعه
ويخالفه عقرب الساعة ب / حسبانه=لاشاف يومي عليه أطول من اسبوعه ![/poem]