نجلي الأول

[عبدالمحسن الطليحي]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يابعد دنياي كان العمر قبلك كان تيه=لين مالدّيت فيك ولد كل العمر فيّه
العطيّة مو ضرورة شرط يعني اللي تبيه=بس والله ماقنعت إلا لأن أنت العطيّة
والشكر واجب على كل ٍ وعيب نقول ليه=بس من شدة طهرك آحس باقي الكون سيّه
إنقتل فرحي قبل شوفك وأنا أتحرى شبيه=لين ما ربك عطاني ياك للأفراح ديّة
كرّم الله وجه سيدنا وصلى الله عليه=كثر ما أتمنى الشفاعة لك بما إنّك سميّه
جيت ألمّك بالسوالف جيت لك حضن .. إنكفيه=جيت ألقنك الشهادة جيت أدرّسك الوصيّة
الصلاة العهد عاهدني و هالعهد إلتجيه=حج بيت الله وصوم الشهر وزكي لك ضحيّة
إنهج علوم الرجولة والديانة وأبتديه=درب علم ولايوقفك العجز والعنجهيّة
شم عن فعول الرديّة شم عن الشك وذويه=والرديّة لو تطوّر قلهم تبقى رديّة
الهدية أقبل بها والصّبي أحسن إليه=والرشاوي إبتعد عنها ولو سمت هديّة
خلّك أحسن من يقول وإن نطقت أصبح وجَيَه=مدّة الرجال ولسانه أصول المقدريّة
والسكوت أفضل خصوصا ً لو تواجه لك سفيه=وأنطق بحق وتكلم لونه لموتك مطيّة
عف نفسك عن طريق الشك وأحذر لاتجيه=الهوى ضعف الرجال وكم راحت من بنيّه
خلك اللي حاشم ٍ قلبه لشخص ومنتويه=حب لكن تحت شرع الله على سنة نبيه
رافق اللي ينصح الرجال لا أخطا أخيه=ماورا رجال خير ٍ مانصح مرّه خويّه
رافق أبسط ناس أحسن من رفاقة ولد بيه= لو سقوك ألما وهو قدم إليك مهلبيّة
من رغيفك إقسم لعابر سبيلك وأحتوية=وإن عطيته أياه كله يمنحك مولاك زيّه
برْ منهو قد تحرى برك وعشمان فيه=أخفض جناح المذلّة وأخفض جناح الأذيّة
خلك اللي دوّر الجنّة بماطى والديه=ياعسى ربك ينوّر لك على دربك بضيّه
وأحسن النيّة على كل ٍ على كل الوجيه=لين مايصبح لكل إنسان عنوان و هويّة
يا بُني هذي وصاتي لك وهذا اللي أبيه=ما أنا لقمان لكن خضت فالدنيا بيديّه[/poem]

صلوا على النبي

أمانة مايشبهني ؟

 

[محمد عوده البلوي]

الف مبروك وعساه من الصالحين ومن حفظة كتاب الله



وصح لسانك وفكرك




فهنا للشعر طعم يميّزه الصدق



تحياتي لك وتقديري

 

[ضحى الوابلي]

ماشاء الله لاقوّة إلا بالله
أسعدتني رؤية محمد هذا الصباح
عبد المحسن الطليحي
حفظه الله ورزقك بره
يكبر وتكتب له الشعر يارب في كل مراحله..

 

[أحمد الهايس]

عبد المحسن الطليحي

مبروك عليك محمد ويربى بعزك وبدلالك


جميع من مر هنا إستفاد من هذه النصايح الموجودة داخل النص


جميل هذا الشعر يا عبد المحسن


فقط من باب التذكير


ليس من الضروري كل الناس البسيطين يكونون صالحين ً


والبهاوات يكونون عكس ذلك


فالناس أجناس كما تعلم ونعلم


نسأل الله أن يوفقك وإبنك محمد ويجعله ولد بار بأبيه وتقبل مروري


ودي وتقديري

 

[خالد علي اليامي]

اقتباس:المشاركة الأصلية كتبت بواسطة عبدالمحسن الطليحي

صح لسانك

عبدالمحسن الله يبارك لك فيه

اما عن الشبه انا مافرقت ههههه


سلاااام

 

[جُمان]

..

يا لِحمِيمِيَّةِ الوصَايا يا عبدالمحسن حِينَ تُدثِّرُها بِروحِ الأبوَّةِ النَّابضة
مِثلُها يُمسِكُ بتلابِيب القلب ويَحفَظهُ في صَدر غَيمَةٍ نقيَّة
بورِكَ لَك في المَوهُوب .. وشَكرتَ الواهِب
وبَلغ أشُدَّهُ ../ وَ رُزِقتَ بِرَّهُ
_ آمين _

.
.

 

[قايـد الحربي]

عبدالمحسن الطليحي
ــــــــــــــ
* * *


أُرحبُ بك كثيْراً .

:

أُبارك لك نجلُك الأوّل ، وَ أُهنئه بك ..
نَعم يُشبهك وَ سيُشبهك في كل شَيء ،
مَالا سَيُشبهك فيه هُو الشّعر إذْ لا شَبيه لك سِواك .

:

أُعيد المباركة و التّرحيب .

 

[محمد الغشام]

,

,

ماشاء الله تبارك الرحمن
الله يحفظه لوالديه يارب ويعطيك بركاته يارب
الف مبروك والله
ما أجمل الأبوه والحنين للأبناء
وصايا : مِن رجُل

الله يحفظه يارب الله يحفظه
عاطر التحايا