ما أعدلك .. ما أصعبك ..!

[هاني فهد العيسى]

السلام عليكم ورحمة الله وبركاتة
عذراً للغياب الخارج عن الارادة اولاً
وثانياً
اتشرف في اهداءكم قصيدتي التي تأهلت بها للمرحلة ماقبل النهاية وحتى النهاية في نص اخر في مسابقة شاعر الملك

[poem=font="traditional arabic,6,black,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
الشعر فنجال العرب كيفه مـن دلال الخليـل=مـن الازل لازال تاريـخ العـرب واعلامهـا
والمدح فاكهة الشعر من جنة الفكر الاصيـل=الذ حتى من رحيق النحـل طيـب انعامهـا
ودام المعاني من طهر زمزم ومنبع سلسبيـل=وابيض من بساط السحاب وشوفتك الهامهـا
ما اجلب الا الجزل واجنب عن حدود الهزيـل=واحلب غمام الفكر حتى تزخـر بـاكرامهـا
واسوق لك منها سنام الوصف يالحر الجليـل=وادري تبي تيبس على وصفك لهاة اقلامهـا
اختارك الله للوطن وانت الوطن قايد فضيـل=وانت العرب بعيونها ودروعهـا واحزامهـا
في ساعة البيعة وقفت وشلت للحمل الثقيـل=وسخرت نفسك تخدم البيتين وانـت إمامهـا
ماصغت تاجك غير من صوت المآذن والهديل=وصرت السما تمطر عدل للامـة واسلامهـا
مثل السنابل ابيض كفوفك اصابعها حصيـل=خيراً مثل شمس ٍتصب النور وسط اعتامهـا
بنيت من فكرك هرم فوقة منـارات ونخيـل=ومن فاخر الامجاد ماتحصى عـدد ارقامهـا
من راحة كفوفك تفجر منبع الطيـب الجزيـل=اخجلت الارض بجودك الضافي على اقسامها
و ميزان عطفك وافي الكفة ولا يمـد القليـل=مثل البشاير والمطر للارض بعـد صيامهـا
ما اعدلك ما اصعبك عسفت راس المستحيـل=ومن رحمتك بك تستجير الناس مـن الآمهـا

صبرك جبل خيرك بحر مده على شعبك طويل=وصمتك محيط الحنكة اللي بسمتك هندامهـا
اخذت من صقر الجزيرة حكمة وسيف ٍ صقيل=ولاكنك الا ابوك فالشـدة تكـون احسامهـا
زرعت في ثغر الارامل ابتسامـات وصهيـل=وكفك على راس اليتامـى حققـت احلامهـا
ماتشوف حبك ياملك شريان في شعبك يسيل=منة رياحين الولاء فاحـت بعطـر انسامهـا
وقف يابو متعب على رجليك قل ماني عليـل=الناس تعبت من تعبك وطاح حيل اجسامهـا
فوق الدعاء فوق الدموع الصادقه في ثلث ليل=بعض الخلايق ودهـا تعطيـك مـن ايامهـا
الله يديمك للوطـن للشعـب قايـد مايميـل=عن سيرة محمد وشرع الله وعـدل أحكامهـا[/poem]

 

[عون القحطاني]

هاني فهد العيسى

هذا النص الفاخر بعد الغياب يشفع لك
ولن نعذر غيابك بعد اليوم : )

والله انه من اجزل النصوص التي قيلت في والدنا من خلال المسابقة
صح لسانك .. شاعر متمكن ولنا ان نفخر بتواجدك بيننا

لن اطيل الكلام . فمثل هذا الحضور يحتاج للقراءة اكثر من اي شي آخر .

شكراً لك حتى ترضى

 

[عبدالإله المالك]

هاني العيسى ..

عز الله انك ما جلبت إلا الجزل ..

قصيدة ارتقت بمستوى المدح إلى مقام الممدوح ..

 

[وليد الفالح]

جميل هذا الحضور وهذا الشعر

 

[هاني فهد العيسى]

المشاركة الأصلية كتبت بواسطة عون القحطاني

هاني فهد العيسى

هذا النص الفاخر بعد الغياب يشفع لك
ولن نعذر غيابك بعد اليوم : )

والله انه من اجزل النصوص التي قيلت في والدنا من خلال المسابقة
صح لسانك .. شاعر متمكن ولنا ان نفخر بتواجدك بيننا

لن اطيل الكلام . فمثل هذا الحضور يحتاج للقراءة اكثر من اي شي آخر .


شكراً لك حتى ترضى

الفاضل / عون القحطاني
اشادتك كـ المطر تزرع الفرح واكثر
ممتن لك ولكرم حضورك
شكراً لا حدود لها يانقي

 

[هاني فهد العيسى]

المشاركة الأصلية كتبت بواسطة عبدالإله المالك

هاني العيسى ..

عز الله انك ما جلبت إلا الجزل ..

قصيدة ارتقت بمستوى المدح إلى مقام الممدوح ..

الفاضل / عبد الالة المالك
اسقيتني بكؤوس كرمك الفرح بهذا الحضور
ممتن لك يانقي وشاكر
الحب والسلام

 

[هاني فهد العيسى]

المشاركة الأصلية كتبت بواسطة وليد الفالح

جميل هذا الحضور وهذا الشعر

الفاضل / وليد الفالح
الجمال لايكتمل الا بحضور الانقياء امثالك
ممتن لك

 

[هاني فهد العيسى]

المشاركة الأصلية كتبت بواسطة ماجد العيد

ابتعادك عما تكرر في الوصف يثبت قدرتك الرائعة في الكتابة يا هاني ..
استحقاق و أحقية في الوصف و الشعر

شكراً يا هاني

الفاضل / ماجد العيد
يبقى حضورك الانقى بهذا الازدحام
شكراً لا حدود لها وشرفتني كثيراً
السلام لك