مْدَخّن:

[صائم]

*
صايم / ولكن ياجماعة مْدخّن
لذلك آحصّل بصومي صعوبة..



الناس صَامَت لو عَطَشْهَا تمكّن
وأنا العطَش به شيّ دونه ينوبه..



ماهمّني والله فنجال من بن..
ولاَ شوربة.. مع بيتزا و مْعَصُوبة..



خرمان من قبل الظهر لا يْأَذّن..
وهلحين باقي ساعتين مْحَسوبة..



ماآشوف غير اللي لها خاطري حَنّ
سيجارتي يا علّها للعقووووبة..!



الناس تستغفر وتدعو و تذعنّ
وأنا صيامي كاثراتٍ عيوبه..



ياالله تْكرّهني لها لين ماآعنّ
إلا لذكرك مع نسايم هبوبه ،،

 

[كايد الرويلي]

صائم

كان الله بعونك وبعوننا معشر المدخنين

والله يفكنا من انشالله

الله يعطيك العافيه على هالرائعه

 

[صالح الثبيتي]

صايم

صح لسانك والله يكون في عون الجميع

خالص الود

صالح الثبيتي

 

[علي المبرد]

الله يكون بعون كل المدخنين ويكون بعونك اخ صائم

وصح لسانك وصفت معانات المدخن وهاجسه المزعج اثناء الصيام


لك الشكر والتقدير

 

[شاعر البدر]

ياالله تْكرّهني لها لين ماآعنّ
إلا لذكرك مع نسايم هبوبه ،،
_________________

ياالله تْكرّهني لها لين ماآعنّ
إلا لذكرك مع نسايم هبوبه ،،

 

[عادل بدر]

أنا شريكك ياصائم
بهذا الهم وهذه البلوى.
الله يفكنا منها.

 

[عبدالله ثويني المانع]

..


شهر رمضـان شهر الخيــر فـرصة
للتخـلص من هذه الآفــة القاتلة

..

ياالله تْكرّهني لها لين ماآعنّ
إلا لذكرك مع نسايم هبوبه ،،


..

 

[سلطان ربيع]

كان الله في عون الجميع

ورمضان فرصة حقيقية للأقلاع والبعد عن التدخين

وشكراً لك