عصر الفبركه

[سلطان الدوسري]

السلام عليكم .....
ومسااااااااااااااااكم شعر ...
إقبلوها بـ تواضعها وأناها ...
.
.
.

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]يالقوافي واللّيالي اِكتبيني بالحروف=لوعلى مليون حرف تصير عندي فبرِكَه
شقلبيها فبركيها بإعتبار انّي اشوف=والعمى ماشاف شي ولوّ رآها جمرِكَه
والحساب اليا تراكم كلّها من هالظروف=ايه سجّل تحت بند : القفز يُدعى طمرِكَه
واعذروني واتركوني لو بعزّ الصيف صوف=والنّبيه بجدّ يفهم .. جَمرنا من سمرِكَه
والسّكون .. وضوّ ليل .. وهالمصافح بالكفوف=والسّوالف من ثماله هالعلوم بخمرِكَه
والهبال اليا اعتراني للسّروق اربط خروف=خوف كلمة " بخل " تنطق من حراااامي حمرِكَه
ماابالغ وادري انّي بينكم ماني معروف=ومن بغى الإثبات يقبل والفرح لي غمرِكَه
ايه أفرح ضيف يلفي لو هجدني مااطوف=ولجل ضيفي .. خشم فقري لو يعنطز أفرِكَه
والمراجل جدّ صعبه ابك اقسم ماتروف=من بغاها غصب عنه التّضحيه بالأمرِكَه
بِنّ وهيل وزعفران وخلّ " موكا " لاتحوف=والعويدي لاكثحته بِنّ دلّه أبرِكَه
وعود ازرق فوق جمره كل فوحِه للضّيوف=ارّحبو مليووون تِكتَب من تصاعد أحرِكَه
ولاتحرّك شوق قلبي تعتريني هالهنوف=ودّي اسمع من شفاها : دوك منّي أجرِكَه
والأجور بجدّ تصرف من مشاعر في شغوف=والتعب في حبّ وافي كل ذنب ابغفرِكَه
والهواوي مايخلّي عشق غامر من كلوف=مستحيل ولو تصير ؟؟ نقول هذي طفرِكَه
والقوافي والمعاني ع الحديده بالحلوف=اقسم ان الشِعر يَضْمِد في بيوته جبرِكَه
وادري انّي ماوصلت لمرحلة شاعر قطوف=بس أدري لو على المليون فوزي أدرِكَه
والثقه احيان توصف بالغرور بقصد " زُوف "=وعكس " زُوف " يبيّن ان الذيب هرول نمرِكَه
والأسد لو حطّ تاجه فوق راسه !! له نكوف=بس خِصله فيه خلّت هالمَلِك في حترِكَه
يعني انّ الساحه اكبر .. فيها واجد كاسباروف=والوزير يضيع عِلمِه وقت " كِش " بشطرِكَه
وبالأخير بجدّ عذراً من قوافي ماتشوف=لنّ وقت العصر هذا كلّ شغله فبرِكَه[/POEM].
.
.
احتراماتي

 

[نواف التركي]

سلطان

جاي أبي أتشره

وين هالغيبه

يا أخي


المشكله أنك
دائماً تأتي بما يشفع لغيابك

أه منك
بس

صح قلبك

ياغالي

 

[شــمــ نـجـد ــس]

الشاعر سلطان الدوسري ..

هلا بك بعد الغيبة ..

الساحه بأكملها لقصيدة عصر الفبركه ..

مفردات جزلة وابيات تنفرد بها كعادتك ..

سلمت وسلم بوحك ..

 

[العـنود ناصر بن حميد]

سلطان الدوسري

أهلاً بعودتك

وصح قلبك

 

[خالد صالح الحربي]

*

سلطان الدوسري:
يكتب قصيدته قبل أن يبرد فنجان قهوته..!
شُكراً على الكيف.

 

[سلطان الدوسري]

نواف التركي .....................


صح كلك ياغالي ..
وماهي إلا ظروف " المزاجية " لدخول النت ..
شكرا لهذه الإطلالة ..
لاهنت .. وسلملي عليك ..
.
.
احتراماتي

 

[وائل فهد]

سلطان الدوسري

صح قلبك
كن بخير

 

[سلطان الدوسري]

شمس نجد .....................

شكراً لك ِ ولمرورك المعطّر ..
إزدان المتصفح بهذه الإطلالة ..
سلمتي ..
.
.
احتراماتي