باب الفرج

[عبدالله التميمي]

بهدي حلب بعض المعاني الجميله
بهدي حلب اهل الكرم والرحابه


كلمه كفو لاقلتها كم قليله
اصل العرب ماهم عرب بالعرابه


شالو حمل صعبه الاوادم تشيله
وقت المحن لستصعبت كالذيابه


افعالهم وقت الشدايد ذهيله
واعناقهم توصل ألين السحابه


ليت الفرح يرجع ويرجع بليله
باب الفرج يمكن يفكون بابه


الفارج الله مانحصل بديله
الراحم اللي يرحمك من عذابه


هذاك طفلن ميت من قتيله
وش ذنبه اللي كان ينده يابابه


شاف الغدر في عين امه ذليله
تجهل حدود الله وتجهل كتابه


تاريخها مجدن ماتلقا مثيله
والحاضر العاجز مايرجع شبابه


والسيف يوم السيف للحق شيله
واليوم يقطع كل صلة هالقرابه


كلن فخر بسمه ويسوا قبيله
يمدح بنفسه مع لحون الربابه


والمدح مايبرى جروحن عليله
واليد تقصر عن فعولن مهابه


الخيل نايم ماسمعنا صهيله
والدم بارد صابنا بالكأبه


كلن بصمته راضين بالفشيله
ماتت مشاعرنا بموت الصحابه


يارب تنصرهم ونعلن رحيله
وابليس مايرحل بدون استجابه












بقلمي