,’ .. يـتـيـمـه .. ’,

[مشهور القليطي]

السلام عليكم



,’



قصيدة تحكي معاناة طفلة يتيمة ,,
أستفتح بها باب النظم في أبعاد


للإستماع



[poem=font="Arial,6,darkred,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يحوم الشعر في جوفي ويكتب بالمسا كلمات=ويبلل بيض اوراقي قبل فيض الدموع إتلوح
تجدد هالمساء جرحٍ تخلل في صميم الذات=من ايام الموادع ذيك حزني ع الملا مكبوح
تعانق صفحتي عبره ..تبرر باقي العبرات=يتيمه مثل راعيها وتخفي حزنها المفضوح
من ظيمّ الزمن عدت نفسها حسبت الاموات=يعاندها الامل دايم ويوصد بابه المفتوح
غريبه حالة المحزون يجدد للحزن وقفات=غريبه سجّت افكاره في درب الهنيه إتشوح
يقلبها على المضمون ويلقى بعينها لمحات=يعودها على الضحكه وترجع للحزن وتنوح
يتيمه صدق قالوها يتيمه في زمان آفات=يتيمه حزنها دفاق وقاضي عدلها مذبوح
تبات عيون خلق الله وهدبها ساهر مابات=حرمها لذة المرقاد وأظلم عينها بوضوح
تآخى في حناياها صليل السيف والطعنات=تصرخ بالخفى لكن تعبها صوتها المبحوح
تنادي ظلمة الشارع وتكتم صوتها الآهات=ويردد في مسامعها صوت لحزنها مصدوح
تبدد حلمها تبكي وترسل حرفها صرخات=بعد ماذاب مبسمها وضيّق صدرها المشروح
طويلة قصتي ياجرح..اليمة قصة الدمعات=وأدعي ربنا يفرج همومي والحروف تبوح
أبسكت دامني طولت وباقي لقصتي وقفات=واشوف الليل يستأذن وهذي نجمته بتروح
ابغفى بمرقدي لكن .. مناية ان يكون سبات=تعبت اصافح افكاري واعانق غربتي بالروح
واناظر نجمة الظلمة واعانق غربة النجمات=وأرسم صفحة اوراقي أماني بابها مفتوح
الا ياصبح لاتصبح طلبتك ..رجعه لوفات=وخلي ظلمته تشفي نزيف بقلبها المجروح[/poem]



مشهور القليطي