مرباع

[نهار بن ممدوح]

[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تضيق الصدور من البلد شفّها المطلاع=وانا لا نويت اروح ماضاقت دروبي
ابي ادوج فوق القاع مادمت فوق القاع=واسجّ القدم في نجد وامشي على دوبي
والاّ لا كلتّني بطنها والقبور جياع=عسى الله يرحمني ويغفر لي ذنوبي
وانا ماني بدنيا الفنا ممّلٍ طماع=يجي يوم اودعها ولا اخذت مطلوبي
نهايتّك ياعمري قماشٍ ماهو ينباع=ومترين جوف القاع وستارها طوبي
حياتك لوّ تفكر بها شفتها مرباع=يدور الزمن ويبدّل الثوب في ثوبي
فلا تنخدع في زخرفٍ فاتنٍ لماع=لو اغراك يلّبس مشلح الصدق مقلوبي
غوى النفس لا ترفع لمركب هواه شراع= اذا شفت نفسك لاهيه قلّها توبي
من يقول وجهك يازمن ماعليه قناع=يجي في حديثٍ لو يزيّنه مكذوبي
مثل من يقدّم لي نصيحه على المذياع=على شان من حوله يقطّع بعرقوبي
ولا كل من يضحك بوجهي ورى المرماع=لو انه يكيل المدح ويوجّهه صوبي
انا اشوف من يمدحّك في حضرتك خداع=حفيظ الصداقه من يبيّن لي عيوبي
وصدور النشاما لنشاما تصير وساع=وانا شايفٍ عند المطاليق ماجوبي
طراة الرجل لا طاب فعله وذكره شاع= ولاّ دون هذا جعل ماهو بمكتوبي[/poem]

[align=center]



[color=#ff0000]

شعر/ نهار بن ممدوح