صـبـاح اسـمـك

[محمد الزويد]

السلام عليكم و رحمة الله و بركاته



[poem=font=",5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
صباح اسمك يا أحلى كلمةٍ مرت على إلساني =أحس بلذة الرمان تروي الروح من زينه
صباح ايدي و هي تضمك وصدرك في دفا أحضاني=متى هالصبح يرفق بي و أشوفك به تحلينه
صباح أحلامك الحلوه و هي بالنوم تلقاني=وأعرف الحلم من صوتك وش اللي في مضامينه
صباح الساعه اللي صحّتك بدري على شاني=اشوف الصبح بك يحلى إذا تصحين من حينه
صباح البسمه الطيبه ترتب فوضة أشجاني =رهنتك أمنية عاشق تمنّى بس تحبينه
صباح اللمه الحلوه و نجم الصبح يزهاني=وأنا جالس معك أفطر من قدوعٍ تسوينه
صباح الخير من فمّك تشكل لوحة ألواني =وأشوف النور في وجهك على الدنيا تبعثينه
صباحك وردةٍ حمراء تلطف جو بستاني=يا بخت الورد يتغنج على ايديك و تشمينه
صباحك مغفره من الرب تبعد شر كل داني=عسى ربي يحفظك دوم من الحاسد ومن عينه
يميّز صوتك المبحوح كأنه لك وتر ثاني=من أول ما فتحت عينك تبين اسمي تنادينه
ترى هاليوم ما يكمل اذا هالصبح عداني=دخيل عيونك الحلوه ابي هاليوم تبدينه
لأن لو خذاك النوم عني كيف بلقاني=تضيع اشياء من عمري اذا في يوم تجفينه
[/poem]