[ سوالف قلب ]

[ناصر حطاب الدهمشي]

السلام عليكم و رحمة الله و بركاته ..

المكان : برج المملكة
الزمان : مدري و الله بس أظن العاشرة ..
الأمان : ما من أمان ..
الحالة : فقد و غْياب ٍ جديد ..

..................

[ حلم ٍ بعيد ]

جيت عاني من بعيد
من بلاد ٍ ليلها طفل ٍ وليد , و صبحها طالب يردد
للوطن أجمل نشيد
جيت من صدر الشمال ممتلي فيك وّحيد .. !
أنت ِ وش لك بالطويلة ؟ بسألِك
أنت ِ يومن شفتي وجهي
وش قريتي به جديد ؟
خلِّي وجهي .. أبغى صوتي يوم انا اسولف معك
هو يشابه صوتي اللي في جهازك .. قصدي يوم القي قصيد ؟
يا أميرة .. داخلي زحمة طواري و اسئلة !
تزدحم في شاعر أسمر .. اسمعيها ابْكل وله
ليش أوَّل ما جلسنا شيلتك قامت تزيد
المسافة بيننا !
و ليش أوَّل ما حكينا بالشعر , الستاير و الكراسي صفقَّت
لـ ثنيننا ..
حتى أكواب العصير !! قامت اتنادي يدينا :
قرِّبن ودي أطييييير
للشعر بحلوقهم
للهوى بعروقهم
للغلا للأمنيات
للسهر للظَّاميات النابتة بصدورهم ..
لآخر حدود المداد اللي ابتدت بعيونهم
و انتهت بقلوبهم
و انولد عشق ٍ جديد
آآآآآآه منِّك .. وين كنت ِ من زمااااااااااان .. علميني ؟
هاتي أي عذر ٍ قبيح .. واوعدك بااااااا صدِّقه , و إلا أي حلم ٍ جميل
يشبهك بااااا حقِّـقه ..
حسسيني انِّك أنت ِ تعرفيني من سنين , حسسيني إننا مبطين
ما شفنا بعضنا .. و اننا قبل التلاقي ذا فقدنا الذاكرة
ما قضيت و طالبك لا تنقدييييين
باقي ٍ فيني سؤال
بسسسسسسس مدري مْـنيييين مثلي يبتدي بِه .. يـ الحبيبة
يوووووووه جاوبت المُحال ..!!
كنت ابسأل أنت ِ منهي ؟
يـ الله يـ الله
يـ الله نامي الوعد حلم ٍ .. بعيد
الوعد حلم ٍ بعييييييييييييييييد
بسسسس مو بالمملكة !
.
.
ناصر حطاب الدهمشي