ليلة البدر

[ساره بنت محمد]

نص متواضع أتمنى أن يليق

[poem=font="simplified arabic,4,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
شفت الفضا في ليلة البدر باحسـاس=نوره كسا فوضى المـدن باحترافـي
أضْرب مثل آخر ولا باس ...لابـاس=خذ لك نفس ثم ازفره فـي الفيافـي
قلّي شعورك من بعد جـو محتـاس=أوصف مبـادئ لحظتـك والخوافـي
الليل سـر واعظـم السـر بالنـاس=بعيونهم تكمن حكايـا .....المنافـي
ارحل بعييييد.....ولاخر الشي مقياس=عيش القناعه حتى لـو مـتّ حافـي
مـادام روحـك تَتَحلّـى بالاحسـاس=يكفيك منهـا أعـذب شعـور لافـي
تصـوّر انـك لـو تلمّـه بالانفـاس=الليـل والقمرا..كمـا ورد صـافـي
يمم خطايـا عثرتـك وانبـذ البـاس=فضّ الجفا وارسـم خيـال المرافـي
في ملمحك..في مبسمك..فيك بالساس=شكّل سجايا موطنـك ..حـب دافـي
لملم تفاصيـل الغلا...شتـت اليـاس=ضيّع طريق الحزن..لاتعيـش طافـي
عمرك مجـرد انتمـاءات واقـواس=مهّـد وصولـك للنهايـات ...وافـي

[/poem]