باب اللقا / أولـى ...

[نايف بن محمد]

.. باب اللقا ..

على باب اللقا إن كان باقي للقا أبواب
.......................................طرقت الشوق في قلبي قبل لآطرق أبوابك

وآنا بيدي الفرح جيتك وشمعة ليلة الأحباب
...........................................تخيلتك بتفتح لي هواك وتخلع غيابك

[ وابشر في عيونك صورتي ..

وآبشر الأهداب ..

إلين تغيب في دمعك ..

وتحضنها بأهدابك .. ]

وترمي خدك العاطر وخصلة شعرك المنساب
..................................على كتفي واشوف العذّر بيّن داخل كتابك

وتفتح شرفة الذكرى وتغلق من وراك الباب
.....................................وتآخذني إلى آخر اريكه واول اصحابك

[ واسولف لك ..

عن الطفل الصغير التايه المرتاب ..

وهو حافي على دربك ..

وش اللي شاف باسبابك .. ] !!

غبار اليآس رغم انه تلاشى في لِقاك و غاب
.....................................ولكن كم يتوهني خطاك وينثر ترابك

وحر الشوق في صدري تغافل صيفك اللهاب
.....................................غسل بالعزم انفاسه وقال الفي احبابك

واحث السير رغم الخوف رغم الليل والأنياب
.............................ورغم الريح تدفعني وتسحبني من اعتابك

إلين إني طرقت الباب ولا المح من ورى هالباب
.................سوى الحزن القديم يصيح بي (ياهوووه وش جابك)؟!!

..