لذة بكاي !

[باتل عبدالعزيز]

......... ترنيمة

الأهداء لكراسي الأنتظار ذات موعد !

من تناثر صوتك العذب بحشاي
سامحك قلبي عن الهجر الطويل

المسا برد .. وتمنيتك معاي
وعن كثير الوصل محتاج لـ قليل

قلي بربك وش مسوي وراي !
وين ترمي ضحكتك في كل ليل

لو سعيت وجيت تبحث عن رضاي
قامت انفاسي من الفرحة تسيل

مايموت الحب والله في سماي
مْحرم ٍ قتله مثل دم الدخيل !

للمدى غنيت حزني صوت ناي
لـ الامل لـ الجرح لـ الحلم القتيل

كم تمنيتك تبادلني عطاي
حسبي الله تدري ونعم الوكيل

عزتي تمنعني عن [ لذّة بكاي ]
خذ جروحك ..وارحل ..وصبر ٍ جميل !