عدّاد الايام يحسب عمري الفاني
وبتنقضي حسبته من دون ينذرني
يالله دخليك من الغفله .. وخذلاني
لا لمت نفسي بـ يوم ً ما تعذّرني
في معترك دنيتي مهموم و اعاني
ولـ لقادم الغايب أحلامي تئاسرني
والاخره .. كنها شيّن ما تعناني
احتاج لي قلب يوعظني ويزجرني
بجاهد النفس قبل النفس تبلاني
وابليس في ملتهى الدنيا يغررني
بصون قلبي .. وبحفظ منطق الساني
وبغض عيني .. وعين الله تبصرني
ولاستصغر بذنب .. منْه يخف ميزاني
الاستهانه تدين .. ولا تبررني
وانا اعرف إن الحكي ماهوب مجاني
متوكلا بيّ ملائكتن تفوترني
اخاف لامن نويت اتوب .. مـ مداني
سوّفت في توبتي والموت بدّرني
وأيدي الأحبه مُناها ضمة أحضاني
هي نفسها اللي بتحفر لي وتقبرني
وبـ وحشة القبر .. ببقى فيه وحداني
ولا لي ونيسن على شوفته يغمرني
يالله ثبتني اليا شخصت اعياني
وعلى صراطك يا رب الكون مررني