يلي سألت الحال... بالحال يوفيـك
البعد طـال وطـال فيهـا سكاتـي
وش نظرتي بالبعد...! ناظر حواليـك
ذي نظرتـي واقـول هالحيـن ياتـي
ياعايشن فينـي تـرى ميتـن فيـك
وشلـون (عايـش ميتـكـ) ياحياتـي
هذا انا,,وان كان هالشـي يعنيـك
ترى مصيري فـي يـدك لا تحاتـي
ابدعـي الله ليـت فينـي يهنيـك
واذا قبـل دعـواي بلقـى نجاتـي
شفت ابتساماتي على غيـر طاريـك
احيـاء ذكـرى يابعـد ذكرياتـي
ان قلت دمعي مسألة وقت .. ناهيك
ممكـن تجاوبنـي حسـب معطياتـي
اذا شعورك قال ارخصـت مغليـك
اعلم بـأن العشـق إكـراه ذاتـي
لحظه قبل ترحل وترحـل معانيـك
وتمـوت ببحـور الشعـر كائناتـي
باخذك صوره لجل اثّبـت تعاطيـك
واعطيك صوره من شهـادة وفاتـي