منتديات أبعاد أدبية - عرض مشاركة واحدة - ياقربها الجنه ويا مبعدها

يابو سعد لاجــا كـتـابي فــــلـه
قــص الاثـر واتـبع خـطى رايـدها

الـبـارحـه مـانـمـت لـيـلي كـلـه
يـــد الـنـعـاس اتّـلـني وابـعـدها

ويـتـلـني مـــوج الـفـكر.. واتـلـه
حـتّئ غـدا كـحل السهر اثمدها

ارسـلـتلك خـطِّـيْ وابـيـك تـفله
أخــذ الـطـرايد جـتـك يـاصـايدها

لايــذعــرك رزقـــك ولا تـكـسـله
رزق الـخـلايق ضـامـنه مـوجدها

واحــــد.. ولاغــيــره.. ولا نــدً لّـه
ربٍّ كــريـم ونـعـمـته سـرمـدهـا

وحــــده إلآه وكـلـنـا..عـبدٍ لــــه
اخـلـص لــه الـطـاعات وتـعهدها

اصـبر وصـابر واصـطبر واذعـن له
قـالوجهاد الـنفس... بـمجاهدها

وان كـــان صــبـرك مـر…لاتـزملَّه
اصـبر تـرى الـساعه امر وادهى

حـــذراك بــيـاع الـخـوي تـامـنله
واحــذر مـن الـفتنه وكـبل يـدها

ولــي تـخـلا ..... لـلـيالي خـلـه
لابـــد مـاتـسقيه مــن فـرقـدها

احــــدٍ اذا انـعـلـيـت زادك عــلـه
واحــدٍ طـريـقك لاصـعب مـهدها

لا تـجـعـل اذنــك لـلـنفايا سـلـه
تـسـمع هــروج الــزور وتـصدقها

الــي نـقـل عـن صـاحبك يـنقله
عـنك الـحديث الـشين ويـزودها

وتـفـرق الـخل الـوفي عـن خـله
(ا)تْ قـــوّم الـفـتنه ولا تـقـعدها

خـلك ذهـين لحقدهم وافطن له
وش يستفيد الريح من جرهدها

لا يـشـغلك بـعـض الـنباح وخـله
روح الـعـزيمه… لـلـعلالي قـدها

مــا كــل قـولٍ تـسمعه تـصفنله
نَــبَّــاح عـلـمـانـيها و؛ مـلـحـدها

اقـلامـهـم.. وعـقـولـهم مـخـتله
خـانـو الـوطن وشـعوبه وقـايدها

احــــذر خـنـازيـر الادب والـمـلَّـه
افـكـارهـم تــبـت. وتـبـت يـدهـا

واحــذّرَكْ .. مــن شـلـةٍ مـنـحله
شف طِيبَة التفاح ويش افسدها

واحـسب لـيومٍ مـابه اهـل وخله
والـنـفس لا قـلـت أَدَبَـهـا. أَدّبْـها

نـفـسٍ عـزيـزه مـارضـت بـالـذله
درب الـعـلـوم الـغـانـمه عـودهـا

الـجـار واكـبـر مـنـك سـن تـجلَّه
والِّــي ضـعـيفٍ حـيلها سـاعدها

ادمـــح وسـامـح ..لاتـعـد الـزلـه
كـــفٍ تـمـد الـطـيب لاتـجـحدها

واذكـــرك قــصـة حـديـث الـمَـلَّه
لامــن وصـلت وقـاطعوك فـعدها

وان وسـوس الـشيطان قـله لـله
ذودي لــعـدّك مــانـي مــوردهـا

والــي زبـنك وقـبل شـرب الـدله
قــلـه تــهـن بـنـومـتك وارقـدهـا

وبـحـول ربــي عـقـدتك مـنـحله
الــي يـهـون عـسـرها و كـايدها

لاتـخذله فـي هـقوته ...وازهـلّه
فــعـلٍ. يــرد الـبـسمه لـفـاقدها

لـلـضيف. ارحـب والـمحل مـحله
والـقوم لـين اسـترفدوك ارفـدها

اد الـفـرايـض كــل فــرض بـحـله
طــوبـى لـعـين ٍوتـرهـا مـرودهـا

اسـجد وتـالي الـليل دمعك هله
مـضطر واحـسن ظـنك بـواحدها

تـدري مـن الـي دنـيته تقبله ؟؟
الــلـي اذا انـغـروا بـهـا يـزهـدها

لـلـوالدين اخـفـض جـنـاح الـذله
لـب امـرها واخـضعلها واسعدها

لــن بـخـضوعك . تـاج عـز وحـله
واحـذر مـن اف وحـاجبِ تعقدها

بـاب الـنعيم.. يـفوز مـن هـو دله
يـاقـربـها الـجـنه ويــاآآآ مـبـعدها

بــقــلــم : عـــلـــي الــقــرنـي