سلام ازكى من الورد وعبيره
سلام ايمر حايل واهل حايل
يمر الشمري في كل ديره
رعد هتانها صبه وخايل
وملى بالخير من جوده غديره
وعم الخير في كل القبايل
جفاف الارض حددلك مصيره
بعد ما واَدعه والغيث سايل
ربيع وصورة الغيمة خطيره
معاها صار جو الكيف هايل
توددلي بمسرى يوم طيره
كفخ بالجو ثم سوى الهوايل
انا من وجدها قلته واثيره
على عشاق عقالن صمايل
ومنعني عن فياض الدار غيره
على الي في رخى داره وعايل
يصب فوق الشهد صبرآ مريره
بعد مايعصر اعروق وحمايل
وانا ناصح وحكم الجار جيره
ولاحدن من نعيم الارض شايل
وشرار النار يوحيلك سعيره
وقصاف العمر فينا يغايل
صحيح ان القدر صعبن عسيره
وعمر الادمي غصنن ومايل
ولاينفع سوى بيض السريره
لو انك مالك الدنيا وطايل
يا كم اعيون من واقع ضريره
وسليمة بعضها لكن قلايل
غني يفنى ويغنى من بخيره
سخي بالجود كساب الجمايل
وعلى مر العصوره المستديره
يموتون الاوادام وانت زايل