[عبدالله العتيبي]

سجل بدفتر طيشنا واصبح سراب!!
وامسح بقايا شمس حلمك بالغروب
|"|
ولا تـسـأل الأيـام لا طـال الـغـيـاب
عن ماضي أحلامٍ تلاشت يالكذوب
|"|
إنت بديت الحرب وسنّيت الحِراب
وإنت تقول الحب غالب ومغلوب.!!
|"|
جيش النوايا جاك من بيض الهضاب
ضاري على صدق الملاقا والحروب
|"|
الله وكيلك ماحسب لجلك حساب
ومن قو عزمه ماتروعه الخطوب.؟
|"|
الـعـار في (زيفك) مخضب بالخضاب
(والماء ولو روبّت كاسه ما يروب).؟!!
|"|
فيك السواني عذرها (ثقل) التراب
وإلا الغدير بشفة (ألوانك) يذوب.؟!!
|"|
ممزوج بعضك في مسافة وإغتراب
ماتلتقي في روحك التايه تجوب.؟!!
|"|
لا مرك الميهاف والطاري عذاب!!
تلثم من الماضي ثغره وماتتوب
|"|
إنت رميت السهم يوم الإكتتاب!!
خسران لكن رغبة النفس اللعوب
|"|
تجني غرور إحساسك المترف غياب
وتزرع طيوفك في متاهاتك طيوب.؟!!
|"|
قال : السحاب اللي غدر فيه السحاب
وش خانة فصول السنة يوم الشحوب .؟!!