كيف تهوانـي وتتركنـي شهـر
لاعشقت الشخص تشتاق وتجيه
خذني العطشان وآخـذك النهـر
خلنـي سيّـدك وآخليـك بيـه
ليه تتركنـي للوعـات الدهـر
الدهر حطم فـؤادي فـي يديـه
شوقي اللي جاك من قلبي ظهـر
يحسب إنه لاوصلـك بتحتويـه
كيف ياللي توك بعمـر الزهـر
أرتجيك وشخص غيري ترتجيـه
لو سكت الشوق في قلبي جهر
الفـراق المـر عقـد حاجبيـه
سقت كل أيام عمري لـك مهـر
ماعطيتـك بالريـال وبالجنيـه
ياخي افهمها تـرى والله قهـر
لاتعذب قلب خلـك وأنـت فيـه
من عرفت الحب دمعات وسهـر
خذ هواك وخذ غرامـك ماأبيـه
من عرفتك وأنت تطعن فالظهـر
حب ايه اللي أنت جاي تقول عليه
عبدالرحمن عمر