لـي سنيـن مــا ولـعـت شمـعـه ولا طفـيـت
مـن الجمـر بـوداعـك بقلـبـي ولا جـمـره !
تماديـت فـي صــدك و هـجـرك ولا لـديـت
تركـت السنيـن تقـول يـا حسرتـي حسـره
غيابك ترك لـي فـي رهيـف الحنايـا بيـت
علـى مـا شـرب مـن شهـد عنابـك وخمـره
قصيدي يجي نشوان في جيّتك / لاجيت
تـقـول الـمـطـر هـتــان قـطــره ورا قـطــره
انـا فـي غيابـك حـي لـكـن حقيـقـه مـيـت
متاهات صبري تقطـف الـورد مـن عمـره
مسـاري هجوسـي كـل ليلـه علـى يالـيـت
ولا فــادهــا يـالـيــت مــــره عــلــى مــــره
من سنين يا ناسي عهودك تصب الزيـت
على جروح هجرك لين جت نـار مستعـره
مـن البيـت للشـارع ومـن شارعـك للبـيـت
هـقـاوي عيـونـي فـيـك للـيـوم مـنـغـره !!!