تخطيت بْخطاك الشاردة تَخمي
وغادر كل طيرٍ محزنٍ عشه
بنيت جْدار قلبي من بعد هدمي
وسويته قوي ماكن وهو قشة
وصار العالم بْعيني أنا وهمي
بدونك والأماني كلها هشة
تخليني أحطك في صدر نظمي
وعطّر منْك أشعاري بِكَمْ رشة؟
إلاما كلما الناس اقبلوا ظلمي
تسارع صوب دمعي الْمتعبِ تْمشه؟
نساني الخوف من جيت بْأمر رسمي
وكان الخوف قبلك معتلي عرشه
وصادقتك وكلْ ياسٍ غدا خصمي
وحزني من عرفتك راقدِ بْنعشه
سكنت القلب لما فاض به همي
وهمي من سكنته قد نقل عفشه
ي همي الْموصلِ دْموعي إلى كمي
وربي في غيابك مالكَ أيْ وحشة
هويت بْكل ما فيني بْهوى إسمي
منَ أبصرتك حبيبي لابسٍ نقشه
تعال ونام صبح وليل في حلمي
وروّي لي شرايين الهوى العطشى
أبعلن مسكنك فيني بْبحر دمي
وبكتب عنك بْعيوني ألف دهشة
غيابك عن حياتي يالغلا سمي
وترياقه حضورك لابتدى بْرعشة