[عبدالرحمن المالكي]

[POEM="font="Simplified Arabic,4,white,normal,normal" bkcolor="transparent" bkimage="./images/backgrounds/22.gif" border="none,4,gray" type=2 line=1 align=center use=ex num="0,black""]على كف القصيد الـلي تعـدّى للحدود أوزان =رسمت بدفتري معنى يجدد كـل مـــا فينـــي

عزفتك لحن ما تشبه حروفه باقـي الالحـان =صدى بوحك لقيته مقترن بالروح يشفيـني

حلمت اتخيّلك واحلم بقربك خافقي ولهان =وحلمي صار من زود المحبة حيل يشقيني

عيوني ..خافقي .. همسي تحرّى حزّة الرحمـن =رجا وصلك وتفكيرك عن الباقين يكفينــــي

تشابه كل ما فيني ولان إللي قســــا مـا لان =لجل حبك وروعة طيفك إلي لاح في عيني

لفيتك تايه الخطوة متيّم بالهوى ضميــــان =لفيتك يوم وصلك من كثيــر آلام يبرينــــي

تعبت من الشقا وإللي مضالي بالهموم أزمان =زمن **** من أيامي شهر ..وشهور ..وسنيني

تعلمت المحبة من حنانك والقلوب أوطان =وطن من غير زولك يا وليف الروح ينفيني

تعلمت الوفا ومن المودة ما شـكـا الميـــزان =تساوت كفّتينه وان حصل من نقص تعطيني

سهرت الليل متصبّر واناجي غيبته شفقان =غريب اذكر ليالـي حيرتــي والهم كاوينـــــي

مشينـــا فالدروب وما لقينـــــا للجفــــا عنــوان =أخــاوي نبض خطواته وهو مثلـي يخاوينـي

تشابه لون طيفه في عيونــي والوصوف ألوان =ولا منّـه تكدر خاطـري بالحيــــل يرضينـــــي

ولو جار الزمان إللي جمعنا بالطريق وشان =مصير الحي يتلاقى ومهما غبت تلقينــــي

أنا مهما ذبل وردي وبانت حيريتي.. إنســـــان =أعانق قلب وافي من خمور العشق يرويني[/POEM]